Hauptmenü ufmache

D Polly Jean Harvey ìsch am 9. Oktober 1969 uf d Wält choo ùn ìsch en änglischi Musikere ù Liedermachere. Si ìsch ìm chliine Dörfli Corscombe ìm süüdlechen Ängland ufgwachse ù het als Jugendlechi zäme mìt em Schlagzüger Rob Ellis ùn em Bässeler Ian Olliver (wo speeter dǜre Steve Vaughan ersetzt worden ìsch) d Band PJ Harvey ggrǜndet.
Ds Trio het 1992 ìres erschten Album Dry veröffentlecht. Dr Rob Ellis ù dr Steve Vaughan hei de aber d Band nach em zwöiten Album Rid Of Me (1993) verlaa ù d Polly Jean Harvey het drufabe uf di eiget Pfuuscht witergmacht.

PJ Harvey
PJ Harvey bìm ne Konzärt am 2. Septämber 2004
PJ Harvey bìm ne Konzärt am 2. Septämber 2004
Date
Geburtsname Polly Jean Harvey
Uf d Wält cho 9. Oktober 1969 (39i)
Bridport, Dorset, Ängland
Genre Alternative Rock
Indie-Rock
Beschäftigung Singer-songwriter
Instrument Gitare, Klavier, Muulgiige etc.
Aktiv sìt 1991
Label Island Records
Website www.pjharvey.net
Dialäkt: Bärndütsch

Si het 2001 dr Mercury Music Prize gwùnne ùn ìsch scho meermaals fǜr d BRIT Awards ù fǜre Grammy Awards nominiert worde gsìì. Ds Musigheftli Rolling Stone het se 1992 als beschti nöiji Kǜnschtlere, 1995 als beschti Kǜnschtlere vom Jaar bezeichnet ù zwöi vo ìrnen Albene ìd Liischte vo de 500 beschten Albene vo allne Ziten ufgnoo. Irenen Umfraag vom Heftli Q ìsch si 2002 zùr beschte Rock-Musikere gwäält worde.

D PJ Harvey seit vo sech sälber, das si lieber Konzärt gìt als Stǜck z schribe ùn ufznää: «If I had to put in order of preference, writing, recording or performing, I think, without a shadow of a doubt, that I would say performing because that is for me where the music makes sense.»[1]

Inhaltsverzeichnis

DiskografiiBearbeite

AlbeneBearbeite

  • Dry (1992)
  • Rid of Me (1993)
  • 4-Track Demos (1993)
  • To Bring You My Love (1995)
  • Dance Hall at Louse Point (mìt em John Parish) (1996)
  • Is This Desire? (1998)
  • Stories from the City, Stories from the Sea (2000)
  • Uh Huh Her (2004)
  • The Peel Sessions 1991-2004 (2006)
  • White Chalk (2007)
  • A Woman A Man Walked By (mìt em John Parish) (2009)
  • Let England Shake (2011)
  • The Hope Six Demolition Project (2016)

ZämestelligeBearbeite

  • The B-Sides (1995)
  • iTunes Originals (2004
  • The Peel Sessions 1991–2004 (2006
  • iTunes Session (2011)

DVDsBearbeite

  • PJ Harvey On Tour: Please Leave Quietly (2006)

WeblinkBearbeite

  Commons: PJ Harvey – Sammlig vo Multimediadateie

FuessnoteBearbeite

  1. PJ Harvey – Interview. Archiviert vom Original am 2008-08-28. Abgrüeft am 2009-03-11.
  Dä Artikel basiert uff ere fräie Übersetzig vum Artikel „PJ_Harvey“ vu de änglische Wikipedia.

E Liste vu de Autore un Versione isch do z finde.