Peter Vogel (Objektkinschtler)

Dialäkt: Friburgerisch (eltere Stadtdialekt)

De Peter Vogel (* 9. Merz 1937 z Friburg; † 8. Mai 2017 au dert) isch e ditsche Gstalter vu interaktiver elektronischer Kunscht vu de Moderni gsii.

de Peter Vogel (2009)

Lewe

Mit sim Schaffe het si de Vogel in de Beriich zwische Kunscht, Philosophi un Neurophysiologi bewegt. Interaktion isch di zentral Absicht vum Kinschtler gsii, de Bschauer wird zum Dailnämer, zum Mitspiler, wu dur sini Impuls kaa Iifluss neme uf s Werk. De Vogel isch dodemit e Exponent vun ere Kinschtlergeneration gsii, wu d Partizipation vum Bschauer in de Mittelpunkt vu ihre Arwet gstellt het. Auch im Umfeld vu konschtruktiv-konkreter un kinetischer Kunscht bstoht s Ziil in de Verainigung vu Kunscht un Leewe go em Rezipient e aktiv un sinnlig-ästhetisch Erlebnis z biete, wu iwer s rain Bildbschaue nusgoht.

No sim Physikstudium het si de Peter Vogel in de Schwiz mit Hirnforschig un de Entwicklig vu medizinische Grät bschäftigt. Si Intressi het vor allem de Kybernetik un neurobiologische Vorgänge gulte. Newe de elektronische Musik isch des de Zuegang zue sim kinschtlerische Konzept gsii. Grundpfiiler fir si Handle sin d Kybernetik, d Musik un de Performance gsii. De Vogel het scho frie elektronischi Musik kumpeniert, am Theater gschafft un elektronischi Inschtrument böut.

Si Arwet as Physiker in de Hirnforschig un si Schaffe as Musiker un Performer hän zue sire Kunscht gfiert, wu si erscht in de Interaktion zwische Werk un Bschauer entwicklet. Em Vogel sini Objekt, wu klinge un lychte, solle d Mensche zum Spiil bringe un ene d Verbindig zwische Kunscht un Technik klar mache. Ei s vu dr Werk, wu d Verbindig vu Kunscht un Technik un au d Partizipation vum Bschauer in de Fokus ruckt, isch Minimal Music Piece (1985). S handlet si um interaktivi Klanginschtallation, wu uf Liibbewegige vum Rezipienten reagiert, indem Tonfolge erzigt were. Wänn si de Bschauer em Objekt necher kunnt, wirft er Schatte uf inschtallierti Fotozelle un dodemit kunnt er in in Liechtschranke, wu Tonfolge produziere.

Uuszaichnige

• 2004: Reinhold-Schneider-Priis vu de Stadt Friburg
• 2017: Oberrhiinische Kunschtpriis vu dr Stadt Offeburg

Weblink

• Homepage vum Peter Vogel
• Spiel auf einer „Klangwand“ – Youtube-Video, Skulpturenmuseum Glaskasten, Marl
• The Sound of Shadows (2011) Film von Jean Martin, auf Vimeo

Fueßnote

Dä Artikel basiert uff ere fräie Übersetzig vu dere Version vum Artikel „Peter_Vogel_(Objektkünstler)“ vu de dütsche Wikipedia. E Liste vu de Autore un Versione isch do z finde.