Hauptmenü ufmache

Dr Richard Karl Jäckle (* 13. Februar 1912 z Uzwil, Schwyz; † 24. Septämber[1] 1990 z Singe) isch e dytsche Bolitiker (SPD) gsii.

Inhaltsverzeichnis

Lääben un BeruefBearbeite

Dr Jäckle isch z Singen ufgwachsen un vu 1918 bis 1926 dert uf d Volksschuel gange. Zwische 1926 un 1930 het er e Lehr as Schriftsetzer un en Uusbildig zum Linotype-Maschinesetzer gmacht. In dr Johr 1931 bis 1933 isch er arbetslos gsii un het as raisende Buechdrucker gschafft. Derno het er vu 1933 bis 1940 as Maschinesetzer z Konschtanz, z Duttligen un z Singe gschafft. Anne 1940 isch er zum Wehrdienscht yyzoge wore, zerscht nuf Olmütz (Tschechie), speter uf Ulm. 1942 isch er wäge Chranket us em Wehrdienscht entloo woren un het derno bis zum Änd vum Chrieg as Schriftsetzer un Kalkulator z Wiesbade, z Konschtanz un z Singe gschafft.

Vu 1945 bis 1952 isch dr Jäckle Druckereilaiter (Gschäftsfierer) vu dr Oberbadische Druckerei un Verlagsaastalt GmbH z Singe gsii un vu 1952 bis 1959 het er as Maschinesetzer bin ere Druckerei z Schaffuuse gschafft.

Anne 1935 het dr Jäckle d Gertrud geb. Bauer ghyrote.

BolitikBearbeite

Anne 1930 isch dr Jäckler in d SPD yydrätte. Bis 1932 isch er Vorsitzer vu dr Ortsgruppe Singe vu dr Sozialistische Arbaiter-Juged gsii. Noch em Chrieg isch er 1945 Grindigsmitglid vum SPD-Ortsverain Singe gsii un vu 1946 bis 1952 Vorsitzer vum SPD-Landesverband Bade. As Diräktkandidat vum Wahlchrais Konschtanz het er vu 1947 bis 1952 em Badische Landdag aaghert. Dert isch er ab Septämber 1948 as Noofolger vum Friedrich Maier Vorsitzer vu dr SPD-Fraktion gsii.

No dr Bildig vum Sidweschtstaat Bade-Wirttebärg isch er Miglid vu dr Verfassigsgebende Landesversammlig gsii, am 6. Oktober 1952 het er sy Mandat niderglait. Vu 1959 bis 1963 isch er Gschäftsfierer vu dr SPD-Landdagsfraktion Bade-Wirttebärg z Stuegert gsii un ab 1963 laitende Aagstellte im Barlemäntarische Berotigsdienscht vum Landdag. Anne 1967 isch er us em effetlige Dienscht uusgschide.

EhrigeBearbeite

  • 1952: Verdienschtchryz (Steckchryz) vu dr Bundesrepublik Dytschland

LiteraturBearbeite

  • Michael Kitzing: Richard Jäckle – „der badische Schumacher“. Ein Beitrag zur Gründungsgeschichte der badischen SPD 1945/1946, in: Arbeit - Bewegung - Geschichte. Zeitschrift für historische Studien, Heft I/2016.
  • Josef Weik: MdL und Landtagsgeschichte von Baden-Württemberg 1945-1980. Stuttgart, 1980

WeblinkBearbeite

  • Richard Jäckle, Archiv der sozialen Demokratie (AdsD), Friedrich-Ebert-Stiftung

FueßnoteBearbeite