Dialäkt: Mìlhüüserdiitsch

Dr Robert McKeen (* 12. Juli 1884 z’ Edinburgh, Schottlànd; † 5. Àuigscht 1974 z’ Ōtaki, Näiseelànd) ìsch a näiseelandischer Politiker gsìì vu dr Labour Party. Ar ìsch Mìtglìed gsìì vum Pàrlamant wahrend zehna uffanànderfolgenda Legislàtürperioda, vu 1922 bis 1954. Dr’züa ìsch’r Vorsìtzender gsìì vum Represantàntahüss vu Juni 1947 bis ìm Novamber 1949.

Dr Robert McKeen ìn da Joohra 1930

si Lawa ändere

Dr Robert McKeen ìsch ànna 1884 z’ Edinburgh, ìm Schottlànd, uf d’ Walt kumma. Sina Bìldung hàt’r z’ West Calder ìm West Lothian bikumma.[1][2] Ìm Schottlànd ìsch’r Àgschtällter vu’ma Laawendsmìttelgschaft gsìì;[1] doo hàt’r scho àn dr Àrwaiterbewegung mìtgmàcht. Ànna 1909 ìsch’r ìn Näiseelànd üssgwàndert. Doo hàt’r z’äärscht ìn da Kohlabargwarker vu dr Wäschtkìschta gschàfft, un hàt dernoh uf Wellington gwàndelt.[3] Ar ìsch gwählter Gwarkschàftler gsìì.[2]

Àn da Pàrlamantswàhl vu 1919 hàt dr McKeen d’ Wàhlkàmpània vu dr Labour Party z’ Wellington orgànisiart.[1] Ar hàt sìch fìrs Ärschtamol àn dr Wàhl vu 1922 ufgschtällt un ìsch àls Represantànt gwählt worra.[4] Ìm Pàrlamant hàt’r z’äärscht dr Wàhlkrais Wellington-Süd vertratta, vu 1922 bis 1946, un schpeeter dr Wàhlkrais Island Bay, vu 1946 bis züa sim Rucktrìtt ìm Johr 1954.[5] Ar ìsch dr „Junior Whip“ vu dr Labour-Pàrtäi gsìì vu 1935 bis 1936, un dr „Senior Whip“ ìn da Johra 1937 un 1938.[6] Vu 1939 bis 1946 ìsch’r Vorsìtzender vu da Üssschìss gsìì.[7] Züadam ìsch’r dr zwälfta Presidant gsìì vum Represantàntahüss vu 1947 bis 1949.[8]

Üsserdam ìsch dr McKeen wahrend 18 Johra ìm Gmainsrot vu Wellington gsìì, un wahrend niin Johra ìm Gremium vum Hàfa vu Wellington.[2] Zwìscha 1937 un 1939 sìn dr McKeen un dr Bob Semple d’ zwai ainziga Gmaindarot vum Labour gsìì z’ Wellington. Sa sìn àui Kollega gsìì ìm Pàrlamant; sa sìn anga Frìnda gsìì un sìn zamma üss em Pàrlamant z’rucktratta.[9]

Anna 1941 hàt sìch dr McKeen àn d’ Gmainswàhl vu Wellington ufgschtällt, àwer ìsch vum Bergermaischter Thomas Hislop gschlààga worra. Ar hàt àui sina Schtälla ìm Gmainsrot verlora.[10] Ìn da Johra 1950 ìsch dr McKeen wqahrend säcks Johra Bergermaischter gsìì vu Ōtaki.[2][11]

Ànna 1935 hàt dr McKeen dr Medàlia vum Sìlwer-Jübileum vum Kenig Georg V. bikumma.[12] Àlasslig vu da Ehrunga zem Geburtstàg vu dr Kenigin ànna 1980 hàt ma dr McKeen ernannt àls Komtür vum Orden vum Hl. Michael un Georg. Dia Üsszaichnung hàt’r bikumma fìr sina Tatigkait àls Gwarkschàftler, Mìtglìed vum Pàrlamant un Vorsìtzender vum Represantàntahüss.[13]

Dr McKeen ìsch verhairatet gsìì mìt dr Jessie Russell, dr Tochter vum Robert Russell.[3] Dr Robert McKeen ìsch àm 5. Àuigscht 1974 gschtorwa. Ar ìsch uf em Kelvin Grove Cemetery z’ Palmerston North beardigt worra.[11][14]

Literàtür ändere

  • Carina Hickey: From Coal Pit to Leather Pit: Life Stories of Robert Semple. Massey University, 2010 (englisch, massey.ac.nz [PDF; abgerufen am 17. März 2015]). (Hàbilitàzionsschrìft)
  • James Oakley Wilson (Hrsg.): New Zealand Parliamentary Record, 1840–1984. 4. Auflage. V.R. Ward, Govt. Printer, Wellington 1985, OCLC 154283103 (englisch, Erstausgabe: 1913).
  • Who’s Who in New Zealand. 7. Auflage. 1961 (englisch).
  • Redmer Yska: Wellington: Biography of a city. Reed, Auckland 2006, ISBN 0-7900-1117-4.

Weblinks ändere

  Commons: Robert McKeen – Sammlig vo Multimediadateie

Ainzelnohwiisa ändere

  1. 1,0 1,1 1,2 New Members. In: The Press. Band LVIII, Nr. 17633, 9. Dezember 1922, S. 15 (englisch, govt.nz [abgerufen am 17. März 2015]).
  2. 2,0 2,1 2,2 2,3 David Verran: Robert McKeen (1884–1974). Trade Union, archiviert vom Original am 25. Oktober 2009; abgruefen am 17. Juli 2012 (änglisch).
  3. 3,0 3,1 Biographies of Former and Current Speakers of the New Zealand House of Representative. Pàrlamant vum Näiseelànd, S. 5f, abgruefen am 17. März 2015 (änglisch).
  4. New Parliamentarians. In: Auckland Star. Band LIII, Nr. 291, 8. Dezember 1922, S. 4 (englisch, govt.nz [abgerufen am 17. März 2015]).
  5. Wilson 1985, S. 215.
  6. Wilson 1985, S. 280
  7. Wilson 1985, S. 252
  8. Wilson 1985, S. 250
  9. Hickey 2010, S. 196, 238
  10. Yska 2006, S. 160.
  11. 11,0 11,1 Former Labour speaker dies. In: Auckland Star. 7. August 1974, S. 3.
  12. Official jubilee medals. In: The Evening Post. Band CXIX, Nr. 105, 6. Mai 1935, S. 4 (englisch, govt.nz [abgerufen am 2. Juli 2013]).
  13. London Gazette (Supplement). Nr. 42053, HMSO, London, 11 Juni. 1960, S. 4015 (PDF, englisch).
  14. Cemetery and cremation detail – McKeen, Robert. Gmainsrot vu Palmerston North, abgruefen am 17. März 2015 (änglisch).
  Dä Artikel basiert uff ere fräie Übersetzig vu dere Version vum Artikel „Robert_McKeen“ vu de änglische Wikipedia. E Liste vu de Autore un Versione isch do z finde.