Dr Roland Phleps (* 18. Augschte 1924 z Hermannstadt, Rumäänie; † 20. April 2020 z Fryburg)[1][2] isch e dytsche Bildhauer, Neuroloog un Psychiater gsii.

Bündelstele 1 Mensa Fryburg

Lääben un Wäärch ändere

Dr Roland Phleps isch bis anne 1943 uf d Schuel gange un isch ab 1944/45 Soldaat im Zweete Wältchrieg gsii. Vu 1945 bis 1950 het er z Diibenga un z Göttingen Mediziin studiert un mit Staatsexaame un Promozioon z Diibenga abgschlosse. 1951 bis 1959 isch er Assischtänzdokter an verschiidene Chrankerhyyser gsii un isch Fachdokter fir Neurology un Psychiatry woore. Ab 1959 het er si z Fryburg as freie Neuroloog un Psychiater niidergloo.

Sy chinschtlerisch Wäärch isch syter 1983 vu aifache geomeetrische Grundfoorme, wie Quadraat, Räächteck, Chraisflechene, Ellipse oder Parallelogramm bstimmt gsii. Aluminium-Blääch, ab 1992 Eedelstaal-Blääch, het er zue ryymlige Konschtrukt booge, wun er sälber dr Konkreete Chunscht zuegoornet het.

Vu 1993 bis 2000 het dr Roland Phleps bi verschiidene Ainzel- un Gruppenuusstellige in Galerie un an effetlige Blätz mitgmacht. Syter 1997 git s Duuruusstellige mit e baar vu syne Wäärch im Stadtgaarte, am Walterschbäärg un im Uniklinikum z Fryburg. 2010 isch e Duuruusstellig „Konkrete Kunst von Roland Phleps“ uf dr Buurg Spooneck z Iechtinge am Chaiserstuel entstande.[3]

Dr Chinschtler het mit syre Frau Hanna Phleps geb. Kroess z Fryburg gläbt. Im April 2020 isch er im Alter vu 95 Joor gstoorbe.

Stiftig fir Konkreeti Chunscht ändere

Anne 1997 het dr Phleps d Stiftung für Konkrete Kunst Roland Phleps grindet, Im Joor 1999 isch e Skulptuurehalle mit ere Uusstellig vu syne Wäärch ufgmacht woore. In ire finde reegelmääßig Uusstellige vu Chinschtler statt, wu dr Konkreete Chunscht noochsteen. Zue dr bekannteschte Chinschtler*ne, wu do uusgstellt hän zelle:[4]

Wäärch im effetlige Ruum ((Uuswaal) ändere

 
Terpsichore am Görgesbau vu dr TU Dresden
  • Terpsichore, Loretto-Chrankehuus z Fryburg un Tächnischi Universiteet z Dresden
  • Windspiel, Stadtgaarte z Fryburg
  • Gestänge im Raum (Ordnung und Chaos), Universitetsklinikum z Dresden
  • Dipylon (1997), Botaanische Gaarte z Fryburg
  • Tripylon, Uniklinikum Fryburg
  • Großer Schwung, Mensa Universiteet Freiburg
  • Pas de Deux, Tächnischi Universiteet z Dresden
  • Ikarus un anderi Grooßskulptuure, Skulptuurematte am Walterschbäärg z Fryburg
  • Alpha I und Alpha II, Chunschtlandschaft Donau z Ulm
  • Adelphoi 3 (2005), Kulturspeicher Würzburg
  • Anthos (2006), Kuurpaark z Badewyyler
  • Bündel-Stele 1 (2007), Blatz vu dr Universiteet z Fryburg un Bündel-Stele 2 VIRIBUS UNITIS (2008) vor dr Transilvania Halle z Hermannstadt, Rumäänie
  • Dreikant-Pfeiler (2013), z Nirdenga

Literatuur ändere

  • Roland Phleps, Stahlskulpturen – Werkauswahl in 9 Bildbänden, 1992 bis 2017, Rombach, Freiburg im Breisgau 1997 bis 2017, Bd. 9: ISBN 978-3-7930-9893-5

Wäärch z Fryburg ändere

Weblink ändere

  Commons: Roland Phleps – Sammlig vo Multimediadateie

Fueßnote ändere

  1. STIFTUNG FÜR KONKRETE KUNST ROLAND PHLEPS. Abgruefen am 27. April 2020.
  2. Herbert M. Hurka: Eine ganze Welt ist gegangen – zum Tod von Roland Phleps. Badische Zeitung, 26. April 2020, abgruefen am 27. April 2020.
  3. Stiftung für Konkrete Kunst: Werke im öffentlichen Raum
  4. Auswahl aus der Teilnehmerliste
  Dä Artikel basiert uff ere fräie Übersetzig vu dere Version vum Artikel „Roland_Phleps“ vu de dütsche Wikipedia. E Liste vu de Autore un Versione isch do z finde.