Sandra Studer
D Sandra Studer, ghyrooteni Müller (* 10. Februar 1969 z Züri) isch e Schwyzer Fäärnseemoderaateri un Sängeri.
Lääbe
ändereD Doochter vun erem Schwyzer un ere Spaanieri isch im Zolikerbèèrg ufgwagse.[1] Noch ere Ballett- un Klavieruusbildig het si as 17-Jeerigi eerschti Erfaarigen as Sängeri gmacht. Si het Germanischtik un Musikwisseschafte an dr Uniwersiteet Züri studiert. Eerschti Toonufnaame sin anne 1987 entstande. 1989 isch si Backgroundsängeri vum DJ BoBo bim Lied «I Love You» gsii. Unter em Name Sandra Simó het si d Schwyz bim Eurovision Song Contest 1991 verdrätte, ire uf Italienisch gsunge Lied Canzone per te isch uf Blatz fimf chuu.[2]
Mit Fäärnseesändige wie «Takito», «Traumziel» un «Country Roads» isch si zuen ere erfolgryyche Fäänseemoderaateri woore. Bim Eurovision Song Contest het si vyylmool di dytschsproochige Kummentaar fir s Schwyzer Fäärnsee gsproche, 1999 het si an dr Syte vum Axel Bulthaupt di dytsch Voorentschaidig fir däär Wettbewäärb moderiert. Vu 2002 bis 2012 het d Studer all Joor d Gaala fir dr SwissAward modertiert. Dernääbe duet si mit Musical-Brogramm im dytschsproochige Ruum ufdrätte. In dr Fäärnseeshow «The Masked Singer Switzerland» isch si in dr Verchaldig vun eme Bfau 2021 u dr zweet Blatz chuu.
Anne 1997 het d Studer dr Luka Müller ghyroote, wu as Räächtsaawalt schafft. Si isch vierfachi Mueter (Gian Luca * 1998, Lilian Victoria * 2000, Nina Soana * 2006 un Julia Kim * 2008) un läbt im zürcherische Mäile.
Am 20. Jänner 2025 isch verchindet woore, ass si zäme mit dr Hazel Brugger di baide Halbfinaal vum Eurovision Song Contest 2025 moderiere soll. Im Finaal wääre di boode dur d Michelle Hunziker unterstitzt.[3]
Weblink
ändere- Sandra Studer in dr Internet Movie Database
- Websyte vu dr Sandra Studer
- Toondokumänt mit dr Sandra Studer in dr Schwyzerische Nationalphonothek
Fueßnote
ändere- ↑ Moderatorin Sandra Studer: «Ich besuchte mit meinem Vater jedes Heimspiel des ZSC. Dass ich die meisten Spiele durchgestrickt habe, war ihm nicht peinlich», NZZ, 18. Septämber 2021)
- ↑ Eurovision Song Contest 1991 – Schweiz, Sandra Simo
- ↑ Meet your hosts for Basel 2025. In: Eurovision Song Contest. 20. Januar 2025, abgruefen am 20. Januar 2025 (änglisch).
|
Dä Artikel basiert uff ere fräie Übersetzig vu dere Version vum Artikel „Sandra_Studer“ vu de dütsche Wikipedia. E Liste vu de Autore un Versione isch do z finde. |