Hauptmenü ufmache

D Schlacht vo Tanagra isch e bedütendi Usenandersetzig zwüsche Athen und Sparta im Erste Peloponnesische Chrieg (457–445 v. d. Z.) gsi, het im Joor 457 v. d. Z. stattgfunde und mit eme Siig vo Sparta gändet.

Schlacht vo Tanagra
Deil vo: Peloponnesisch Chrieg
Pelop krieg1.png
Griecheland zur Zit vom Peloponnesische Chrieg. Dr attisch Seebund isch in rot, dr peloponnesisch Bund in blau.
Datum 457 v. d. Z.
Ort Tanagra in Böozie
Usgang Siig vo Sparta
Folge Die spartanisch Armee het sich uf e Peloponnes chönne zruggzie. D Athener häi churz druf Thebe, wo käi Hilf vo Sparta überchoo häi, bi Oinofita chönne schloo und häi ganz Middelgriecheland beherscht.
Konfliktparteie
Sparta Athen
Befählshaber
Nikodemes Myronides
Truppesterki
11'500 spartanischi Hoplite und Verbündeti 14'000 Athener und Verbündeti
Verlust
umbekannt umbekannt

VorgschichtBearbeite

Noch de historische Siig über d Perser, wo d Athener und d Spartaner no uf dr gliiche Site kämpft häi, si denn d Spannige zwüsche de zwäi Stedt gwaggse. Dr Bau vo de Lange Muure zwüsche Athen und sim Haafe z Piräus, d Demokratisierig vo Athen under em Ephialtes und dr Attisch Seebund, wo Athen immer mee mee dominiert het, si für d Spartaner e Dorn im Aug gsi. E baar Stadtstaate wie Aigina, Korinth, Epidauros und Doris häi bi de Spartaner Understützig gege Athen gsuecht. Wo au Thebe, d Hauptstadt vo Böozie, sich Sparta aagschlosse het in sim Komflikt mit Phokis, het sich Athen vom Weste wie vom Norde us bedroot gsee und es isch zum Chrieg choo.

D SchlachtBearbeite

D Hauptkwelle für alles, was mit dr Schlacht zämmehängt, isch dr spööteri athenischi Strateeg Thukydides in sim Dr Peloponnesisch Chrieg, Buech I, 107/108. Dr Nikodemes vo Sparta isch zerst mit 11'500 spartanische Hoplite und de Verbündete uf Thebe marschiert, und Athen het dere Armee dr Wääg zrugg zum Peloponnes versperrt. D Spartaner häi sich in Böozie uf d Schlacht vorberäitet wo d Athener iine mit 14'000 Maa under em Kommando vom Myronides entgegemarschiert si. Bi Tanagra, östlig vo Thebe, am Fuess vom Parnes-Gebirg, wo Attika vo Böozie drennt, isch s zur Schlacht cho. Es gseet us, wie wenn die thessalische Riter, wo mit Athen verbündet gsi si, zur andere Site überglofe si. D Spartaner häi zwar Hufe e Hopliten verloren, häi aber dr Kampf gwunne und dr Wääg zrugg uf Sparta isch wider offe gsi.

D FolgeBearbeite

D Spartaner si zrugg uf Sparta, und d Athener häi d Gläägehäit usgnützt, zum sich nöi z organisiere und häi zwäi Mööned spööter Thebe in dr Schlacht vo Oinofita chönne schloo, und häi vo denn aa ganz Middelgriecheland beherscht.

LitratuurBearbeite

  Dä Artikel basiert uff ere fräie Übersetzig vum Artikel „Schlacht_von_Tanagra_(457_v._Chr.)“ vu de dütsche Wikipedia.

E Liste vu de Autore un Versione isch do z finde.