Die Sozialdemokratischi Bardei Basel-Stadt
| Sozialdemokratische Partei Basel-Stadt | |
|---|---|
|
| |
| Gründigsdatum: | 26. Juni 1890 |
| Gründigsort: | Basel |
| Präsidium: | Martin Lüchinger Beatriz Greuter Pascal Pfister |
| Wähleraadeil: | 29.7 % (Stand: 1. Septämber 2008) |
| Nationalroot: | Silvia Schenker Beat Jans |
| Ständeroot: | Anita Fetz |
| Kantonali Parlament: | 32 (Stand: 1. Januar 2009) |
| Kantonali Regierige: | Eva Herzog Christoph Brutschin Hans-Peter Wessels (Stand: 1. Januar 2009) |
| Parteigliiderig: | D Bardei bestoot us 7 Kwartierveräin. |
| Gruppierige: |
|
| Huusaaschrift: | Räbgass 1 4005 Basel |
| Website: | www.sp-bs.ch |
| Dialäkt: Baseldütsch |
Die Sozialdemokratischi Bardei Kanton Basel-Stadt (SP Basel-Stadt), isch e politischi Bardei im Kanton Basel-Stadt. Si isch e Kantonalpartei vo dr Sozialdemokratische Bardei vo dr Schwiz.
Gschicht ändere
1871 isch z Basel die Sozialdemokratischi Arbäiterbardei entstande. Nume Arbäiter häi chönne Mitgliider wärde. Usserdäm het s dr Arbäiterbund gee. Am 26. Juni 1890 si die Schwizerische Sozialdemokrate Basel gründet worde. Wo 1905 s Proporzwaalsüsteem iigfüert worde isch, het d SP Basel-Stadt en erste Waalsiig erkämpft und isch mit 22 vo 130 Sitz die sterksti Frakzioon im Groosse Root worde. 1902 isch dr Eugen Wullschleger dr erst SP-Regierigsroot worde.[1]
S politische Programm ändere
S politische Programm vo dr SP Basel-Stadt isch s gliiche wie das vo dr SP Schwiz. As Bardei im ene räine Stadtkanton setzt si iiri thematische Schweerpünkt bi dr Ökologii, dr Stadtentwicklig, em Vercheer und dr Familiepolitik.
D Organisazioon ändere
D SP Basel-Stadt organisiert sich dur die so genannte Kwardierveräin. Das si Dalbe-Bräiti-Innestadt, Basel West (früener Bachlette-Nöibaad und Santihans), Clara-Wettstäi-Hirzbrunne, Gundeldinge-Bruederholz, Horburg-Chläihünige, Spaale und SP Rieche. Das si äigeständigi Veräin und si si verantwortlig für d Kwardier- und Gmäindipolitik, wie d Waalkämpf gfüert wärde, nominiert d Kandidate für die kantonale Waale und schickt Delegierti in d Delegierteversammlige vo dr Kantonalpartei.
Wär Mitgliid in äim vo dene Kwardierveräin isch, isch au Mitgliid in dr SP Basel-Stadt.
Gruppierige ändere
In dr SP Basel-Stadt existiere e Hufe Gruppierige und Inträssegrubbe. Die zwäi wichdigste vo deene si d SP Fraue Basel-Stadt und d JungsozialistInne Basel-Stadt.
D JungsozialistInne Basel-Stadt ändere
D JungsozialistInne Basel-Stadt (churz JUSO Basel-Stadt) isch d Jungbardei vo dr SP Basel-Stadt. Si überchunnt finanzielli Understützig, Berootig und het Verdräter in de Gremie vo dr SP Basel-Stadt (Bardeivorstand, Delegierteversammlig). Si het öbbe 150 Mitgliider, isch reegelmässig in de Medie bresänt und isch die aktivsti politischi Jugendorganisazioon z Basel.
D JungsozialistInne Basel-Stadt häi käi Erfolg ghaa, wo si bi de Nazionalrootswahle 2007 und bi de Groossrootswaale 2008 mitgmacht het. Bi de Nazionalrootswaale 2011 häi si 1,6 % vo de Stimme überchoo, mee as die andere Jungbardeie.
Weblingg ändere
Einzelnachweise ändere
- ↑ Kleine Bardeigeschichte (Site cha nüme abgrüeft wärde; Suche im Webarchiv) , Website vo dr SP Basel-Stadt, abgrüeft am 9. Septämber 2011.
|
Dä Artikel basiert uff ere fräie Übersetzig vum Artikel „Sozialdemokratische_Bardei_Basel-Stadt“ vu de dütsche Wikipedia. E Liste vu de Autore un Versione isch do z finde. |