Hauptmenü ufmache
Sprochatlas vu Oberbayern Bd. 4

Dr Sprochatlas vu Oberbayern (dt. Sprachatlas von Oberbayern, churz SOB) stellt di sprochgeografische Verhältnis vu dr bairische Dieläkt z Oberbayern dar. Dr SOB isch e Deilprojäkt vum Bayrische Sprochatlas, s wird an dr Universitet Passau dra gschafft. Är stoht in dr Tradition vu dr oberdytsche Chleiruumsprochatlante, wu d Methodik vun ene zerscht vum Schwyzer Sprochatlas entwicklet woren isch.

D Leitig vum Projäkt het dr Ludwig Eichinger, wu friejer Profässor an dr Universitet Passau gsi isch un syt 2002 Leiter vum Inschtitut fir Dytschi Sproch (IDS) z Manne.

MethodBearbeite

UntersuchungsgebietBearbeite

S Untersuechigsgebiet (dr Regierigsbezirk Oberbayern) isch in Planquadrat mit 7 km Sytelengi yydeilt wore, un us jedem Planquadrat isch ei Ortschaft fir d Befrogig uusgwehlt wore.

Fir dr Sprochatlas vu Oberbayern sin 300 Ortsbefrogige durgfiert wore, dodermit bildet dr SOB s grescht Deilprojäkt vum Bayrische Sprochatlas. Zu däne oberbayrische Ortschafte sin no 39 Erhebige derzuchuu, wu vum Deilprojäkt Bayerisch-Schwabe (SBS) erhobe un fir dr Oberbayrisch Atlas ibernuu wore sin. Derzue sin in 11 Ortschafte im Ibergangsbiet wzsich em Schwebisch un em Bairisch Befrogige dur beidi Deilprojäkt durgfiert wore. Insgsamt umfasst dr SOB wäge däm 350 Blanquadrat.

Frogebuech un BefrogigBearbeite

S Frogebuech basiert uf em Frogebuech, wu au fir di andre bayrische Sproichatlante brucht woren sin un ursprinlgi uf s Frogebeuch vum SDS zruckgehn.

D Antworten sin in ere differänzierte Lutschrift (Teuthonista) mitgschribe wore, wu d Fyynheite vu dr Uussproch exakt dermit cha feschtghalte wäre.

Wel im Frogebuech rund 200 Froge din gsi sin, wu fir dr SBS nit erhobe wore sin, sin in dr 39 Ortschafte, wu vum SBS ibernuu wore sin, Nooerhebige zue däne Froge durgfiert wore.

PublikationBearbeite

E Großdeil vum gsammlete Matrial wird in Atlasform ufbereitet un in segs Bänd vereffentligt. Erschine sin bishär fimf Bänd.

  • Bd 2: Cordula Maiwald: Phonologie 2: Vokalismus: Kurzvokale. Konsonantismus. Heidelberg 2010. ISBN 978-3-8253-5688-0
  • Bd. 3: Cordula Maiwald: Verbmorphologie. Heidelberg 2008. ISBN 978-3-8253-5434-3
  • Bd. 4: Tatjana Lau: Nominalmorphologie. Heidelberg 2008. ISBN 978-3-8253-5414-5
  • Bd 5: Cordula Maiwald, Bernhard Stör, Tatjana Lau, Ulrike Krieg-Holz, Isabel Knoerrich: Lexik 1: Landwirtschaft. Einleitung von Ludwig M. Eichinger. Heidelberg 2010. ISBN 978-3-8253-5614-9
  • Bd. 6: Ulrike Krieg-Holz: Lexik II: Der Mensch und seine Umwelt. Heidelberg 2009. ISBN 978-3-8253-5544-9

In Vorbereitig:

  • Bd. 1

Großregion MünchenBearbeite

Dr Dialäkt un d Umgangssproch in dr Region um di bairisch Hauptstadt Minche isch in eme eigene Näbeprojäkt erfasst wore. D Ergebnis sin as Zuesatzband zum SOB vereffentligt wore.

  • Sprachregion München. Ergänzungsband zum Sprachatlas von Oberbayern. Hrsg. von Kurt Rein, Bearb. von Kurt Rein, Bernhard Stör. Heidelberg 2005. ISBN 978-3-8253-5098-7

WeblinkBearbeite