Stärchi isch es Polysaccharid, wo d Formle (C6H10O5)n hät und us hunderte bis tuusige vo α-D-Glucosemolekül zämegsetzt isch. Drum ghört si zu de Cholehydrat. Si chunt nume i pflanzliche Zäle vor und wird vo de Pflanze als Spiicher für Cholestoff und Energii brucht.

Usschnitt useme Amylopektinmolekül

Es git zwei Arte vo Stärchimolekül: Amylose und Amylopektin.

Amylopektin isch es verzwiigts Molekül und eis vo de gröschte wo i de Natur vorchömed. Amylose isch chliiner und linear und hät es molekulars Gwicht vo öppe 500'000. De Aateil vo Amylopektin und Amylose a de ganze Stärchi hanget vo de Quäle (Pflanze) ab. Di meischte Arte vo Stärchi beschtönd us öppe 25 % Amylose und 75 % Amylopektin.

Stärchimolekül sind nöd eifach i de Zäle verteilt, sondern i Chörner packt. Diä Chörner bestönd us Schichte, wo mer underem Elektronemikroskop dütlich gseht. Di einzelne Schichte underscheided sich i de Aaornig vo de Molekül: i de einte Schichte sind d Molekül amorph agordnet, i de andere chrischtalliin.

Literatur ändere

  • International Starch Institute (Hrsg.): Technical Memorandum on Production of Potato Starch. Link.
  • Chulaporn Kamnerdpetch: Enzymatic Hydrolysis and Peptide Mapping of Potato Pulp Protein. Hannover 2006. Link.
  • National Starch: Food starch technology. PDF, 1,4 MB
  • Acrylamid – wie kommt es in Lebensmittel?. Link.