Standseilbahn Schwyz–Stoos

e Standseilbahn i de Schwiz

D Standsäilbaan Schwyz–Stoos isch e Säilbaan im Kanton Schwyz.

d Stoosbaan über de gstaute Muota

D Baan goot vom Hindere Schlattli, gad am Iigang zum Muetital, aber no i dr Gmäind Schwyz zum Ferie- und Turismusort Stoos ufe, wo zu Morschach ghört. Si isch 1740 Meter läng und het vo dr Daalstazioon zu dr Bärgstazioon ufe e Höchidifferänz vo 744 Meter.[1] D Näigig vo de Gläis isch däils bis zu 1110 Promill und drum isch si di stailschti Standsailbaan vo de Wält. Uf ihrer Strecki faart si öber zwee Brugge und dor drü Tunnel und cha pro Wage 136 Lüüt transportiere.

D Baan isch am 15. Dezämber 2017 eröffnet worde. Si lööst die alti Standsäilbaan, wo chly wyter daalabwärts ane 1933 bout worden isch, ab.[2]

Technik ändere

Wil s Trasse vo de Baan nöd immer gliich stail isch, sondern näb de staile au no fasch flachi Abschnitt hät, isch för die Baan e neui Technik entwickled worde, wo die Naigigsunderschiid för de Faargascht tuet uusgliiche. Jedi vo de vier Kabine und d Güeterplattform, wo pro Wage ufen und abe faart, cha hydraulisch bewegt wöre. Esoo isch de Bode vo de Fahrgäscht uf de ganze Faart immer waagrächt.[3]

Weblink ändere

  Commons: Standseilbahn Schwyz–Stoos – Sammlig vo Multimediadateie

Fuessnote ändere

  1. 6430.02 neue Stoosbahn Schwyz Hinteres Schlättli – Stoos uf standseilbahnen.ch abgruefe am 4. Jänner 2018
  2. 6430.01 alte Stoosbahn Schwyz Schlättli – Stoos uf standseilbahnen.ch abgruefe am 26. Jänner 2018
  3. Eine Bergbahn mit «Wursträdli» als Markenzeichen Artikel mit Film und Animazion uf srf.ch vom 18. August 2017

Koordinate: 46° 59′ 27,9″ N, 8° 40′ 23,9″ O; CH1903: 693917 / 205184