Hauptmenü ufmache

LääbeBearbeite

D Seemann isch mit fimf Gschwischter z Ötisheim ufgwachse un dert au uf d Grundschuel gange. Derno isch si z Mihlacker uf s Theodor-Heuss-Gimnasium gange, wu si 1978 s Abitur gmacht het. No dr Schuel het si 1980 bis 1981 z Großsachsenheim un z Charlsrue Landschaftsgärtneri glehrt. Si het ghyrote un im Lauf vu dr Johr fimf Chinder iberchuu, Si het mit ihre Familie z Charlsrue un z Calb gläbt un 1984 sin si retuur uf Mihlacker zoge. Bis 2011 het si fir d Familie gsorgt.

Vu 2011 bis 2014 het si an dr Färn-Universitet Hagen Bolitik-, Verwaltigswisseschafte un Soziology studiert un mit eme Bachelor in Soziology abgschlosse. Im Johr 2013 het si zytwys s Wahlchraisbiro vum Bundesdagsabgordnete Memet Kiliç glaitet. Noch em Studium het si vu Mai 2014 bis zum Merz 2016 im KIT bim Projäktdreger Charlsrue im Ferderigsmanagement gschafft. Anne 2014 het si näb em Beruef no ne Masterstudium in Mediation an dr Färn-Uni Hagen aagfange.

BolitikBearbeite

Anne 1994 isch d Seemann Mitglid bi dr Griene wore. Si isch langi Zyt Mitglid im Vorstand vum Ortsverband Mihlacker gsii un im Chraisvortsand vum Chraisverband Bforze/Enzchrais. Si isch au vyl Johr Delegierti vum Chraisverband in dr Landesarbetsgmainschaft Frauebolitik gsii. 2009 un wider 2014 isch si fir d Fraktion „Liste Mensch und Umwelt (LMU)“ in Stadtroot vu Mihlacker gwehlt wore.

Bi dr Landdagswahl 2016 het si s Erschtmandat im Wahlchrais Enz gwunne. Im Landdag isch si Mitglid im Uusschuss fir Wisseschaft, Forschig un Chunscht, im Uusschuss fir Sozials un Integration un im Petitionsuusschuss. Derzue isch si stellverdrättend Mitglid im Uusschuss fir Finanze, im Uusschuss fir Kultus, Juged un Sport, im Uusschuss fir Umwält, Klima un Energywirtschaft, im Uusschuss fir Wirtschaft, Arbet un Wohnigsböu, im Uusschuss fir LändligeRuum un Verbruucherschutz, im Uusschuss fir Verchehr un im Uusschuss fir Europa un Internationals.

Sunschtigs EngaschmäntBearbeite

  • Stellverdrättend Mitglid im Ufsichtsrot vu dr Stadtwerke Mühlacker.
  • Mitglid im Verkehrsclub Deutschland e. V.
  • Mitglid im Bund für Umwelt und Naturschutz Deutschland e. V.
  • Mitglid bi Mehr Demokratie e. V. Baden-Württemberg
  • Mitglid bi ver.di
  • Mitglid bi Campact
  • Mitglid bi Greenpeace
  • Mitglid bi PolizeiGrün e. V.
  • Mitglid in dr Stiftung Europäisches Naturerbe
  • Mitglid im Förderverein Sender Mühlacker
  • Mitglid im Tafelladen Mühlacker
  • Mitglid im Partnerschaftskomitee Mühlacker

WeblinkBearbeite