Stocke-Höfe
Stocken-Höfen isch e politischi Gmeind im Verwautigschreis Thun vom Kanton Bärn ir Schwyz.
| Stocken-Höfen | |
|---|---|
 | |
| Basisdate | |
| Staat: | Schwiiz |
| Kanton: | Bärn (BE) |
| Verwautigschreis: | Thun |
| BFS-Nr.: | 0770 |
| Poschtleitzahl: | 3631 Höfen 3632 Niederstocken 3632 Oberstocken |
| Koordinate: | 609508 / 174541 |
| Höchi: | 691 m ü. M. |
| Flächi: | 14,2 km² |
| Iiwohner: | 1021 (31. Dezämber 2022)[1] |
| Website: | www.stocken-hoefen.ch |
| Charte | |
 | |
Geografii ändere
Stocke-Höfe ligt es paar wenigi Kilometer südweschtlig vo de Stadt Thun. D Gmeind bsteit us mehrere Dörfer im Stocketau u reicht bis ueche uf s Stockhorn, wo 2'190 m höch isch. Si gränzt knapp an Amsoldingersee, e Teil vom Übeschisee ghört aber drzue. Vor Gmeindflechi si 4,17 km² (417 ha) Waud u 0,1 km² (10 ha) See.
Nachbergmeinde si em Uhrzeigersinn nache u im Nordoschte aagfange; Asudinge, Röitige, hinger em Stockhorn im Simmetau si Erlebach u Däärstette, wider voredra hei mer no Pouere u Übeschi.
Gschicht ändere
D Gmeind Stocke-Höfe isch uf e 1. Jänner 2014 dur d Fusion vo de bis dertä unabhängige Gmeinde Höfe, Niderstocke u Oberstocke entstange.
Sprach u Dialäkt ändere
Dr bärntütsch Dialäkt vo Stocke-Höfe ghört zum Hochalemannisch.
Weblink ändere
Commons: Stocken-Höfen – Sammlig vo MultimediadateieFuessnoote ändere
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
