Susanne Würmli-Kollhopp

Dialäkt: Baseldütsch

D Susanne Würmli-Kollhopp (* 1945 z Schottike) isch e Schwizer Chorläitere.

Susanne Würmli-Kollhopp

Läbe und Wärk

Si isch 1945 uf d Wält choo, isch in de Kantöön Züüri und im Appezäll ufgwachse und het Primarlehrere und und Häilpedagogin glehrt. Si wohnt sit 1974 z Buckte und isch mit em Chlaus Würmli verhürotet. Si hai zwai erwachsene Söhn, dr Chasper und dr Res.

D Würmli-Kollhopp het johrelang an dr Muusig-Akademii Basel gschafft und Jugendchör gleitet. Hützudags isch si dört no bi de Chör «Vocale-Chor», «Jugendchor Cantat», und «Jugendchor iVox» dätig. Sit 1980 dirigiert si dr «Gmischt Chor Buckte» und vier Johr druf het si dr «Vepate-Frauechor Basel» gründet und gläitet, wie spööter au dr «ChorBasel». Vo däm isch si immer no d Eeredirigäntin.

D Susanne Würmli-Kollhopp isch Vorstandsmitgliid gsi vom SFEC, dr schwizerische Föderation Europa Cantat.

Veröffentligunge

• 27 Setz zu Schwizer Volkslieder, für gmischti Stimme (in zwei Heft) im Äigeverlag «Singlust»
• 17 Setz zu Schwizer Volkslieder, für gliichi Stimme
  • CD mit alle Lieder gsunge vom Vepate-Frauechor Basel im Äigeverlag «Singlust»
• 25 Setz zu Wiehnachtslieder us Dütschland, dr Schwiz und andere Länder im Äigeverlag «Singlust»

Uszeichnige

• 2003: Kulturbriis vom Kanton Baselland (Spartebriis Muusig)
• 2010: Kulturbriis vom Kanton Basel-Stadt

Weblingg

• Europa Cantat Schweiz
• D Website vo dr Susanne Würmli-Kollhopp