Dr Sümbolismus in dr Litratuur

Dr Sümbolismus isch e literarischi Richdig, wo im spoote 19. Joorhundert z Frankriich entstande isch und Aahänger bis in d 1920er Joor gha het. Er het sich as Reakzioon uf e Realismus und Naturalismus entwigglet.

Im Sümbolismus si Kennzäiche isch e idealistischi Haltig, wo sich gegen e Positivismus richdet und nöiji Entfaltigsmögligkäite will ufdue.

Dr symbolistischi Dichter het Sümbol und Sinnbilder us Bruchstück vo dr reale Wält gmacht, si nöi zämmegsetzt und e Wält wo schöön isch, ideell, esthetisch und vilmol au spirituell vollkomme, welle schaffe.

Dr Sümbolismus as öiropäischs Fenomeen ändere

Näben em franzöösische Sümbolismus spiile au dr russischi und dr dütschi Sümbolismus e gröösseri literaturhistorischi Rolle.

Wichdigi Verdräter vom franzöösische Sümbolismus si dr Charles Baudelaire, dr Stéphane Mallarmé, dr Paul Verlaine, dr Arthur Rimbaud, dr Maurice Maeterlinck und dr Jean Lorrain. Zu de eltere russische Sümboliste ghööre dr Innokenti Annenski, dr Valeri Brjussow, dr Konstantin Balmont, dr Sinaida Hippius, dr Dmitri Mereschkowski, dr Fjodor Sologub und zu de jüngere dr Andrei Bely, dr Alexander Alexandrowitsch Blok und dr Fedor Stepun. Z Dütschland zelt mä dr Karl Gustav Vollmoeller, dr Stefan George, und dr Richard Dehmel, z Ööstriich dr Hugo von Hofmannsthal und dr Rainer Maria Rilke zu de Sümboliste. Au im Gerhart Hauptmann si Hanneles Himmelfahrt und die spoote Wärk vom Karl May ghööre drzue.

Litratuur ändere

Über e dütsch Sümbolismus ändere

  • Edward Jaime: Stefan George und die Weltliteratur. Aegis, Ulm 1949.
  • Frederik D. Tunnat: Karl Vollmoeller – Dichter und Kulturmanager. Eine Biographie. Tredition Verlag, Hamburg, ISBN 978-3-86850-000-4.
  • Gregor Streim: Das Leben in der Kunst: Untersuchungen zur Ästhetik des frühen Hofmannsthal. Königshausen & Neumann, 1996.
  • Walther Killy, Hans Fromm (Hrsg.): Autoren und Werke deutscher Sprache. Literatur Lexikon Bd. 4. Bertelsmann Lexikon Verlag, Gütersloh 1988.
  Dä Artikel basiert uff ere fräie Übersetzig vum Artikel „Symbolismus_(Literatur)“ vu de dütsche Wikipedia. E Liste vu de Autore un Versione isch do z finde.