Text: Briäder Grimm „Chinder- un Huusmärli“ - Der alte Großvater und der Enkel

Briäder Grimm: Chinder- un Huusmärli (7. Uflag 1857)

Nr. 78 - Der alte Großvater und der Enkel - Der ald Grosvader ùn der Änggel (Ibersetzig in dr Dialäkt vum Untere Markgräflerland)

S isch emool en uuralde Man gsii, däm sin d Auge drieb woore, d Oore daub, ùn d Chnyy hän em zidered. Wän er jez als am Disch gsäsen isch ùn hed chene chuum der Lefel heebe, no hed er als e weng vù der Sùben ùf s Dischduech verdlädered, ùn s isch em au als ebis us em Muul glofe. Sy Sùùn ùn däm sy Frau hed s ab däm gruusd, ùn wääge däm hed sich der ald Grosvader miese hinder der Oofen in der Ege hogen ùn si hän em s Äsen in en iirdig Schiseli gee ùn noch derzue nidemool gnue, do hed er druurig noch em Disch gluegd ùn d Auge sin em nas woore. Emool hän au syyni zidrige Händ s Schiseli nid chene feschdheebe, s isch aabeghèid ùn isch verbroche. Di jùng Frau hed gschùlde, äär hed aber nyd gsaid ùn hed nùme gsyyfzged. Do hän sin em e helzig Schiseli gchaufd fir e baar Bfänig, doo hed er jez miese drus äse. Wie sin esoo doo hoge, dued der chlai Änggel, wù vier Joor ald isch, ùf em Boode chlaini Brädli zämedraage. „Was machsch doo?“ hed der Vader gfrogd. „Ich mach e Dreegli“, hed s Chind Andword gee, „doo sole der Vader ùn d Mueder drus äse, wän i groos bii.“ Do hän sich der Man ùn d Frau e Rùng aagluegd, hän ändli aagfange mid hyyle, hän sofoord der ald Grosvader an der Disch ghoold ùn hän en vù jez ab aliwyyl midäse loo, hän au nyd gsaid, wän er ebis verdrield hed.