II Umbriel
Umbriel, ufgnumme vu Voyager 2
Zentralchörper Uranus
Eigeschafte vum Orbit
Grossi Halbax 266.300 km
Periapsis 265.100 km
Apoapsis 267.500 km
Exzentrizität 0,004
Bahnneigig 0,128°
Umlaufzitt 4,144 Däg
Middleri Orbitalgschwindigkeit 4,67 km/s
Physikalischi Eigeschafte
Albedo 0,16
Schinbari Helligkeit 14,0 mag
Middlerer Durchmesser 1169,4 km
Masse 1,17×1021 kg
Oberflächi 4 300 000 km²
Middlere Dichti 1,4 g/cm³
Siderischi Rotation 4,144 Däg
Axneigig 0,0°
Fallbeschlünigung an dr Oberflächi 0,23 m/s²
Fluchtgschwindigkeit 500 m/s
Oberflächetemperatur ca. 80 K
Entdeckig
Entdecker William Lassell
Datum vu dr Entdeckig 24. Oktober 1851
Amerkige bundeni Rotation

Dr Umbriel (au Uranus II) ghört zue dr fimf grosse Mönd vum Uranus un isch am 24. Oktober 1851 vum Astronom William Lassell entdeckt worre. Dr Umbriel isch uf e uguete Geischt us em Alexander Pope sinere Komödie „Der Lockenraub“ daift worre. Alli Mönd vum Uranus sin uf Figure vum William Shakespeare oder vum Alexander Pope daift. D'Nämme vu dr erschte vier entdeckte Uranusmönd (Oberon, Titania, Ariel, Umbriel) sin vum John Herschel, em Suhn vum Uranus-Entdecker Wilhelm Herschel, vorgschlage worre.

Bahndate ändere

Dr Umbriel umchreist dr Uranus ime middlere Abstand vu 266.300 km in 4 Däg, 3 Stund un 27 Minüte uf ere fascht chreisrunde Bahn. D'Bahn wiist e Exzentrizität vu 0,005 uf un isch 0,4° gege dr Äquator vum Uranus gneigt.

Ufbau un physikalischi Date ändere

Dr Umbriel het e Durchmesser vu 1169 km. Er besitzt e middleri Dichti vu 1,4 g/cm3 un isch vermuetlich iberwigend us Wasseris sowie Adeile vu silikatischem Gstei un Chohlestoffverbindige, wie Methan, zämmegsetzt. Dr Umbriel besitzt e Albedo vu 0,16, d. h. 16 % vum vu dr Sunne igstrahlte Liecht werre reflektiert. Er isch demit dr dunkelscht vu dr grosse Uranusmönd. Er rotiert ebefalls in 4 Däg, 3 Stund un 27 Minüte um die eige Ax un wiist demit, wie dr Erdmo, e bundeni Rotation uf.

Dr Umbriel isch im Jänner 1986 bim Vorbiflueg vu dr Rümsonde Voyager 2 photographiert un vermesse worre. Debi het sich zeigt, dass si Oberflächi ald un verchruschtet isch un numme wänigi Spure vu geologischer Aktivität ufwiist. In dr Nächi vum Äquator (uf em Voyagerphoto obe z'sähe) befindet sich s'uffälligscht Merkmol uf sinere Oberflächi, e 140 km grosse Ring us hellem Material. Sällem si Entstehig isch bis jetz nit vollständig klärt, aber offesichtlich cha si mit eme Impaktereignis in Verbindig brocht werre. Bim Ischlag vu eme Asteroid chännt hellers Is us diefere Chruschteschichte usgworfe worre si. Dr vermuetlich Ischlagchrater heisst Wunda un dr Ring, wo ihn usfüllt wird „fluorescent cheerio“ gnennt.

Weblink ändere

  Commons: Umbriel – Sammlig vo Multimediadateie


  Dä Artikel basiert uff ere fräie Übersetzig vu dere Version vum Artikel „Umbriel_(Mond)“ vu de dütsche Wikipedia. E Liste vu de Autore un Versione isch do z finde.