Vaterländischi Union

e politeschi Partei im Liechtastaa
Vaterländischi Union
Logo vu dr Vaterländische Union
Barteibresident Günther Fritz
Vizebresidänt*ine Daniela Wellenzohn-Erne (Oberland), Mario Wohlwend (Unterland)
Stv. Regierigsschef Daniel Risch
Regierigsreeti Dominique Hasler
Fraktionssprächer Günter Vogt
Grindig 1936
Hauptsitz Vaduz
Uusrichtig Chrischtdemokraty
Konservatismus
Wirtschaftsliberalismus
Farb(e) Root
Barlemäntsmandat Landdaag(2017)
8/25
Websyte www.vu-online.li

Di Vaterländisch Union (VU) isch näb dr Fortschrittlige Burgerpartei (FBP) aini vu dr boode grooße Barteie im Fiirschtduum Liachtaschtaa. Si isch urspringli sozialliberal uusgriichtet gsii, isch aber im Lauf vu dr Zyt allmee no räächts gruckt un het si brogrammatisch noodnoo dr burgerlige FBP aagneecheret, wu si dradizionäll mit koaliert.[1]

Gschiicht ändere

D Wuurzle vu dr VU geen uf d Volkspartei (VP) zruck, wu Februar 1918 grindet woore un chrischtli-sozial uusgriichtet gsii isch. Die het si am 5. Jänner 1936 mit em chlaine Liachtaschtaaner Haimetdienscht zue dr hitige Vaterländische Union zämegschlosse, wu doodmool zwai Joor alt un als dytschnazionaaler un autoriteerer uusgriichtet gsii isch.[2] Mitgrinder vu dr chrischtli-soziale Volksbartei isch dr Wilhelm Beck gsii. D Bartei isch dr Metoor fir bolitischi un soziaali Grundlaagerefoorme z Liachtaschtaa im frieje 20. Joorhundert gsii un het si as Arbaiterbartei verstande, wu si fir mee demokraatischi Volksräächt, soziaali Sicherhait, Solidariteet in dr Gsellschaft un au fir e staarki, differenzierti Wiirtschaft yygsetzt ghaa het un au hite no yysetzt.

Iri aktuälle Zyylsetzige het si in «Wäärtvorstellige» formuliert, wu im Mai 2004 verabschiidet woore sin, Grundsätz dooderby sin Freihait, Noohaltigkait un Solidariteet gsii.

D VU het 1970–1974, 1978–1993 un 1993–2001 s absolut Mee vu dr Mandaat im liachtaschtaanische Landdaag ghaa. No dr Landdaagswaal 2005, wun ere ne historisch Dief an Stimme broocht ghaa het, het d VU 10 vu dr 25 Abgoordnete gstellt un isch mit em stellverdrättende Regierigsschef Klaus Tschütscher un em Hugo Quaderer in dr fimfchepfige Regierig verdrätte gsii. Us dr Landdaagswaal 2009 isch d VU as aidytige Waalsiigeri fiirigange un het fir d Legislaturperiood 2009–2013 mit 13 Sitz wider s absolut Mee im Landdaag ghaa. In dr Koalizioonsregierig mit dr FBP het d VU mit em Klaus Tschütscher dr nei Regierigsschef gstellt. Di Vaterländisch Union het bi dr Landdaagswaal 2013 fimf Sitz im Landdaag verloore, isch derno mit aacht Sitz verdrätte gsii un het zwee vu dr vier Regieingsreet gstellt. Bi dr Landdaagswaal 2017 het d VU ire Stimmenaadail um 0,2 Brozäntpinkt lycht chenne uusböue, het aber wyter 8 vu 25 Abgoordnete vum Landdaag. In dr fimfchepfige Regierig isch di Vaterländisch Union wyter mit zwee Regierigsmitgliider verdrätte.

Landdaagswaalergeebnis vu dr VU syter 1945
50%
40%
30%
20%
10%
0%
45
49
53
53
57
58
62
66
70
74
78
82
86
89
93
93
97
01
05
09
13
17

Barteibresidänte ändere

Amtszyt Name
1936–1965 Otto Schaedler
1965–1974 Franz Nägele
1974–1992 Otto Hasler
1992–2001 Oswald Kranz
2001–2005 Heinz Frommelt
2005–2011 Adolf Heeb
2011–2015 Jakob Büchel
ab 2015 Günther Fritz

Zytig ändere

Dr Vaterländische Union stoot d Zytig Liechtensteiner Vaterland nooch, wu us dr Zytige Liechtensteiner Nachrichten un Liechtensteiner Heimatdienst im Jänner 1936 entstanden isch. D Liechtensteiner Nachrichten (1924–1935) sin us dr Oberrheinische Nachrichten (1914–1924) fiirigange un boodi Zytige sin scho vorhäär dr chrischtli-soziaale Beweegig/Bartei noochgstande.

Noch em Schefredakteer Günther Fritz heeb si s Liechtensteiner Vaterland vun eme „parteipolitischen Kampfblatt“ zue ere „modernen Forumszeitung“ gwandlet.[3]

Literatur ändere

  • Rupert Quaderer, Arthur Brunhart: Die Schlossabmachungen vom September 1920

Weblink ändere

Fueßnote ändere

  1. Die Parteien - Liechtenstein. Archiviert vom Original am 22. Februar 2015; abgruefen am 21. Oktober 2019.
  2. Gründungsversammlung war unter dem Vorsitz des Landtagsabgeordneten Basil Vogt aus Balzers im Gasthaus Adler in Vaduz.
  3. Zytigs-Byylaag „Hundertjahrenews“ vom 25. April 2014.
  Dä Artikel basiert uff ere fräie Übersetzig vu dere Version vum Artikel „Vaterländische_Union“ vu de dütsche Wikipedia. E Liste vu de Autore un Versione isch do z finde.