Vogue (Zeitschrift)

D Vogue (dr Verlaag schribts mit Groosbuechstaabe: VOGUE) isch e Moodezitschrift, wo internationaal verbräitet isch. 1892 isch die ersti Usgoob in de USA im Nöi Yorker Condé Nast Verlag erschiine, wo s bis hüte uusegit bzw. Lizänze verdäilt. Es git hüte nazionaali Usgoobe in 18 Länder.

VOGUE Beschriibig Frauezitschrift Sproch Änglisch,Dütsch und sächzää anderi Sprooche Verlag Condé Nast Verlag Erschiinigswiis äinisch im Moonet Uflag (IVW II. Quartal 2009 im Ganze) 137.280 Exemplar Verbreiteti Uflag (IVW II. Quartal 2009 im Ganze) 142.551 Exemplar Weblingg www.vogue.com ZDB 602066-5

D Vogue het dradizionell e starke Iifluss uf die internazionaali Mode. Für s Rönommee vom ene Model isch s usgezäichnet, wenn si s uf s Ditelbild vo dr Vogue schafft. E wäsentlige Däil vom Erfolg vom Magazin in de letzte 50 Joor isch im künstlerische Diräkter Alexander Liberman und de Schefredaktöörinne Diana Vreeland und Anna Wintour z verdanke. D Wintour wird regelmäässig vo dr PETA aagriffe, wil si gärn Belz aahet und das au in dr Vogue brobagiert.

Litratuur

• Norberto Angeletti, Alberto Oliva: In Vogue: the illustrated history of the world's most famous fashion magazine, New York, NY: Rizzoli, 2006, ISBN 0-8478-2864-6

Film

• Der Teufel trägt Prada, Spiilfilm, USA 2006
• The September Issue - Dokumentarfilm über d Brodukzioon vo dr amerikanische Septämberusgoob 2007 - Vogue, 2009

Weblingg

• http://www.vogue.de/
• Marke VOGUE

Fuessnoote

Dä Artikel basiert uff ere fräie Übersetzig vum Artikel „Vogue_(Zeitschrift)“ vu de dütsche Wikipedia. E Liste vu de Autore un Versione isch do z finde.