Waldo vo Riichenau

Abt und Bischof

Dr Waldo vo Riichenau, au Walto (* um 740; † 814 z Bariis) isch Abt und Bischof gsi.

Lääbe ändere

Dr Waldo vo Riichenau isch vom ene hooche fränkische Gschlächt abgstammt. 782 isch er Abt vom Kloster Sanggalle worde und het dört e Bibliothek iigrichdet. Vo 786 bis 806 isch er Abt vom Kloster Riichenau am Boodesee gsi, und het dört e Bibliothek und e Klosterschuel ufdoo. Er het dr Egino vo Verona d Cella St. Peter und Paul am Spitz vo dr Insle lo iirichde. S Kloster Riichenau isch e wichdigs Zentrum im Karolingische Riich worde. 791 isch er vom Karl em Groosse zum Bischof vo Pavia und Baasel erhobe worde.[1] Z Baasel isch dr Waldo aber kuum je gsi, wil er z Pavia für d Erziejig vom Soon vom Karl em Groosse, em Pippin, zueständig gsi isch. 805 isch er Riichsabt und Huusbischof vo dr Abtei Saint-Denis z Bariis worde.

Litratuur ändere

Weblingg ändere

Fuessnoote ändere

  1. Bullough, S. 626f
  Dä Artikel basiert uff ere fräie Übersetzig vum Artikel „Waldo_von_Reichenau“ vu de dütsche Wikipedia. E Liste vu de Autore un Versione isch do z finde.