Wendy Holdener Ski Alpin
Nation SchweizSchweiz Schwiz
Geburtstag 12. Mai 1993
Geburtsort Unteriberg
Größi 167 cm
Gwicht 60 kg
Karriere
Disziplin Slalom, Riiseslalom, Kombination
Verein SC Drusberg
Status aktiv
Medallienspiegel
OS 1 × Gold 1 × Silber 1 × Bronze
WM 3 × Gold 1 × Silber 0 × Bronze
Junioren-WM 1 × Gold 2 × Silber 1 × Bronze
Olympische Ringe Olympischi Winterspiil

Gold Pyeongchang 2018 Mannschaft
Silber Pyeongchang 2018 Slalom
Bronze Pyeongchang 2018 Kombination
FIS Alpini Skiwältmeischterschafte

Gold St. Moritz 2017 Kombination
Silber St. Moritz 2017 Slalom
Gold Åre 2019 Kombination
Gold Åre 2019 Mannschaft
Alpine Ski-JWM

Gold Crans-Montana 2011 Kombination
Silber Crans-Montana 2011 Abfahrt
Bronze Crans-Montana 2011 Riiseslalom
Silber Québec 2013 Mannschaft
Platzierige im alpine Skiwältcup
 Debüt im Wältcup 23. Oktober 2010
 Wältcupsiig 2
 Gsamtwältcup 2. (2017/18)
 Abfahrtswältcup 39. (2017/18)
 Super-G-Wältcup 22. (2017/18)
 Riiseslalomwältcup 8. (2017/18)
 Slalomwältcup 2. (2017/18)
 Kombinationswältcup 1. (2015/16, 2017/18)
 Podiumsplatzierige 1. 2. 3.
 Super-G 0 0 1
 Slalom 0 9 11
 Parallelränne 1 2 2
 Super-Kombination 2 1 0
letschti Änderig: 22. Februar 2019

D Wendy Holdener (* 12. Mai 1993 z Underibrig)[1] isch e Schwyzer Skirännfahreri. Si ghert syter anne 2013 dr Nationalmannschaft vu Swiss-Ski aa[2] un isch vor allem in dr Diszipline Slalom un Riiseslalom erfolgrych. In dr Saison 2015/16 het si d Kombinations-Disziplinewärtig, Anne 2017 isch si Wältmaischteri in dr Alpine Kombination un Silber im Slalom.

Biografy ändere

D Holdener stammt vu Unteriberg im Kanton Schwyz, wo sie au hüt no lebt.[3] Si het an dr Sportmittelschuel Engelbärg en Uusbildig as Hotelfachaagestellti gmacht.[4] Di erschte FIS-Ränne het si im Novämber 2008 im Alter vu 15 Johr bstritte. Im Winter 2009/10 isch si uf däre Stapfle regelmäßig unter di beschte zeh gfahre un het im Februar 2010 ihre erschte Siig gfyyrt. Bi dr Juniore-WM 2010 isch si in dr Abfahrt uf dr fimfte Blatz gfahre. Au bi dr Schwyzer Maischterschafte 2010 het si as Vierti vu dr Abfahrt nume knapp e Medallie verbasst.

Am 23. Oktober 2010 het si z Sölden ihre Debüt im Wältcup gee. Si isch im Riiseslalom 55. Blatz gfahre. Ai Monet speter, am 28. Novämber 2010, het si as 18. Vum Slalom z Aspen di erschte Wältcuppinkt gwunne. Bi dr Juniorewältmaischterschaft 2011 z Crans-Montana het d Holdener d Goldmedallie in dr Kombination, Silber in dr Abfahrt un Bronze im Riiseslalom gwunne. Mit däne Erfolg isch si fir d Wältmaischterschaft 2011 z Garmisch-Partenkirchen nominiert wore, wu si im Riiseslalom uf Blatz 29 gfahren isch.

In dr Saison 2011/12 het d Holdener fimf Top-20-Ergebnis im Wältcup un dr Schwyzer Maischtertitel in dr Super-Kombination gwunne. Im April 2012 isch si vu dr Schwyzer Sporthilf zur beschte Noowuchsathleti vum Johr 2011 gwehlt wore.[5] Anne 2012 het si bim Saisonuftakt z Sölden mit eme 17. Blatz ihri erschte Riiseslalom-Wältcuppinkt gwunne. Im Verlauf vu dr Saison 2012/13 het si d Holdener vor allem im Slalom als chenne verbessere un isch mit e baar Top-10-Blatzierige bis in d Wältspitz firschi chuu. Bi dr Juniore-WM 2013 het si d Silbermedallie im Mannschaftswettbewärb gwunne. Di erscht Wältcup-Podeschtblatzierig isch ere am 10. Merz 2013 glunge, wu si bim Slalom vu Ofterschwang Zwooti woren isch. Mit em Schwyzer Team het si bim Saisonfinale z Lenzerheide am 14. Merz 2014 dr Mannschaftsbewärb vor en USA un Eschtrych gwunne. Am 29. Dezämber 2014 isch d Holdener bim Slalom vu Kühtai uf Rang drei gfahre un am 20. Merz 2015 het si mit em Schwyzer Team dr Vorjohrserfolg vor Schweden un Eschtrych chenne widerhole.

Noch eme wytere Podeschtblatz am 29. Dezämber 2015 z Lienz het d Holdener schließlig am 23. Februar 2016 bim City Event z Stockholm ihre erschte Wältcupsiig gschafft. Derno het si zweeti Blätz in dr in dr Kombination vu Soldeu am 28. Februar un im Slalom vu Jasná am 6. Merz gwunne, e Wuche speter, am 13. Merz derno in dr Kombination vu Lenzerheide dr zweet Wältcupsiig. Dodermit het si au d Kombinations-Disziplinewärtig gwunne. Mit em Schwyzer Team het si wider dr Teambewärb gwunne, desmol am 18. Merz 2016 z St. Moritz vor Dytschland un Schwede.

Mit ere seli guete Laischtig in ihre weniger starke Disziplin, dr Abfahrt, un ere (erwartet) starke Laischtig im Slalom het si vor ihre Teamkollegi Michelle Gisin d Goldmedallie in dr Kombination bi dr Haimwältmaischterschaft z St. Moritz gwunne, di erscht Goldmedallie fir s Schwyzer Alpin-Dameteam syt em Riiseslalom-Gold vu d Sonja Nef 2001. Im Slalom het si d Silbermedallie gwunne.

Es Johr spöter sind d Wendy Holdener und d Michelle Gisin an de Olympische Winterspiil 2018 wieder zäme uf em Kombi-Podest gstande. Dezue het d Holdener e Silbermedaille im Slalom (nach Beschtzyt im erste Lauf) und Gold mit em Schwiizer Team im Teamwettbewärb gwunne.

Erfolg ändere

Olympischi Spiil ändere

  • Pyeongchang 2018: 1. Teamwettbewärb, 2. Slalom, 3. Alpini Kombination

Wältmaischterschafte ändere

  • Garmisch-Partenkirchen 2011: 5. Teamwettbewärb, 29. Riiseslalom
  • Schladming 2013: 9. Teamwettbewärb, 11. Slalom, 26. Riiseslalom
  • Vail/Beaver Creek 2015: 4. Teamwettbewärb, 17. Riiseslalom
  • St. Moritz 2017: 1. Alpini Kombination, 2. Slalom, 4. Teamwettbewärb
  • Åre 2019: 1. Alpini Kombination, 1. Teamwettbewärb, 14. Super-G, 17. Slalom

Wältcupwärtige ändere

Saison Gsamt Abfahrt Super-G Riiseslalom Slalom Kombination
Blatz Pinkt Blatz Pinkt Blatz Pinkt Blatz Pinkt Blatz Pinkt Blatz Pinkt
2010/11 89. 43 49. 1 - - - - 38. 26 27. 16
2011/12 67. 84 - - - - - - 31. 60 19. 24
2012/13 20. 359 - - - - 42. 14 6. 334 33. 11
2013/14 29. 234 - - - - 35. 26 10. 186 12. 22
2014/15 22. 312 - - 52. 4 46. 6 8. 266 7. 36
2015/16 6. 817 - - 45. 7 30. 51 3. 561 1. 198

Wältcupsiig ändere

  • 29 Podeschtblätz, dodervu 3 Siig:
Datum Ort Land Disziplin
23. Februar 2016 Stockholm Schwede City Event
13. März 2016 Lenzerheide Schwyz Super-Kombination
26. Januar 2018 Lenzerheide Schwyz Super-Kombination

Europacup ändere

  • 5 Podeschtblätz, dodervu 2 Siig:
Datum Ort Land Disziplin
10. Januar 2013 Melchsee-Frutt Schwyz Slalom
22. Januar 2015 Zell am See Eschtrych Riiseslalom

Juniorewältmaischterschafte ändere

  • Mont Blanc 2010: 5. Abfahrt, 15. Kombination, 31. Super-G, 36. Slalom, 41. Riiseslalom
  • Crans-Montana 2011: 1. Kombination, 2. Abfahrt, 3. Riiseslalom, 4. Slalom
  • Québec 2013: 2. Mannschaft, 7. Slalom, 14. Riiseslalom

Anderi Erfolg ändere

  • 6 Schwyzer Maischtertitel (Super-Kombination 2012 un 2014; Riiseslalom 2014; Slalom 2013, 2014 un d 2016)
  • 3 Podeschtblätz im Nor-Am Cup
  • 1 Siig im Australian New Zealand Cup
  • 9 Siig in FIS-Ränne

Weblink ändere

  Commons: Wendy Holdener – Sammlig vo Multimediadateie

Fueßnote ändere

  1. Steckbrief Wendy Holdener. In: gmx.ch, abgruefe am 21. Februar 2017.
  2. Selektionen Damen Ski alpin 2012/13. Archiviert vom Original am 4. März 2016; abgruefen am 19. Februar 2017. (PDF; 32 kB) Swiss-Ski, 18. April 2012.
  3. Portrait uf Wendy Holdeners Website, abgruefe am 21. Februar 2017.
  4. Wendy Holdener: Ein Talent, das noch träumen darf. skionline.ch, 3. November 2010, archiviert vom Original am 23. Januar 2011; abgruefen am 28. November 2010.
  5. Wendy Holdener Nachwuchsathletin 2011. skionline.ch, 20. April 2012, archiviert vom Original am 1. Januar 2015; abgruefen am 21. April 2012.
  Dä Artikel basiert uff ere fräie Übersetzig vu dere Version vum Artikel „Wendy_Holdener“ vu de dütsche Wikipedia. E Liste vu de Autore un Versione isch do z finde.