Dr Wettstäibrunne

Dr Wettstäibrunne befindet sich am Theodorskiirchblatz bi dr Wettstäibrugg im Chläibaasel. Er stoot nit under Dänggmolschutz, isch aber äins vo de Baasler Kulturgüeter, wo für d Region vo Bedütig si.

Dr Wettstäibrunne

Dialäkt: Baseldütsch

Gschicht

E Brunne dört isch scho 1892 blaant worde für s 500-jöörige Jubileum vo dr Veräinigung vom Grooss- und Chläibaasel. Dä hätti aber 90'000 Franke kostet und mä het weeniger as e Zäätel vo däm chönne ufdriibe. So isch s bis 1954 gange, bis dr Baasler Bildhauer Alexander Zschokke dr Brunne het chönne baue und sit 1955 stoot er in Betriib.

Beschriibig

Dr Wettstäibrunne bestoot us zwäi rächteggige Brunnedröög, wo dr äint hööcher isch as dr ander, eme runde Brunnestogg zwüsche de Dröög, wo druf e rot und blau aagmoolti Drummle mit Kinder stoot und zooberst isch e Statue vom ehemoolige Baasler Bürgermäister und Staatsmaa Johann Rudolf Wettstein. Dä isch au Jeeger gsi und doorum sitzt nääbenem si Hund. Uf em Brunne stoot gschriibe: "Zum Andenken an Bürgermeister Johann Rudolf Wettstein 1594 - 1666 und zu Erinnerung an die Vereinigung von Kleinbasel und Grossbasel 1392".

Weblingg

 Commons: Wettstäibrunne – Sammlig vo Multimediadateie

Fuessnoote

47.55857.59754