D’ Wìldamànnsgàss z’ Mìlhüüsa

Koordinate: 47° 44′ 51.7″ N, 7° 20′ 23.4″ E / 47.747694°N,7.339833°E / 47.747694; 7.339833

D’ Wìldamànnsgàss[1][2][N 1] (offiziäll ìm zwaischproochiga Schtroossaschìld: Wildemannsgass; frànzeesch rue du Sauvage; hochditsch Wildemannstraße) ìsch a lànga Gschaftsschtrooss ìm Schtàdtzäntrum vu Mìlhüüsa ìm Owerelsàss. Sa ìsch d’ Hàuiptàcksa vum Mìlhüüser Schtàdtzäntrum. Sa verbìndet d’ Schtrooss Uff’m Grààwa mìt’m Näikwàrtiar Plàtz. A groosser Tail vu dr Schtrooss ìsch jetz a Füassgangerzoona.

D’ Wìldamànnsgàss vum Noorda-n-üss gsah. Ìm Hìntergrund ìsch d’ Schpìtz vu dr Schtefànskìrich.
Dialäkt: Mìlhüüserdiitsch
Dr zwaischproochiga Schtroossaschìld vu dr Wìldamànnsgass.

Geogràfii un Verkehr ändere

Ma sàgt oft, àss d’ Wìldamànssgass d’ Hàuiptschtrooss vum Mìlhüüser Schtàdtzäntrum ìsch.[3] Sa ìsch naamlig äbb 470 Meeter làng.[4]

D’ Wìldamànnsgass fàngt àn Uff’m Grààwa àà, grààd gega-n-ìwwer dr Vorplàtz vum Iikàuifszäntrum Porte Jeune. Sa fàhrt z’äärscht süüd-südwäschtlig bis àm Wìnkel vu dr Freschawaid, un drnooh süüd-südoschtlig bis àn dr Kritzung vu dr Schmìedgass. Zwìschaduura trìfft sa d’ Schtràuigass. Witterscht, zwìscha dr Schmìedgass un em Gàntzplàtzla, fàhrt d’ Schtrooss äbb 120 Meeter ìn Rìchtung Süüdoscht un trìfft d’ Ziagelgass grààd vor’m Plàtzla. Biim Plàtzla trìfft sa àui àm s’ Finster Gàsslà un d’ Kromgass, wo baida bis zem Roothüssplàtz fàhra. Noh-n-em Gàntzeplàtzla fàhrt d’ Wìldamànnsgass schnüarschtràcks süüdoschtlig, uff äbb 220 Meter, bis àm Näikwàrtiar Plàtz. Zwìschaduura trìfft sa s’ Schìndergassla, dr Sailergrààwa, dr Zäntrààldurchgàng, d’ Kìrchhoofschtrooss un Uff dr Sinnà. Àb dr Kritzung vu dr Kìrchhoofschtrooss fàhrt dr Mìlhüüser Tràm uff dr Wìldamànnsgass, bis àm Näikwàrtiar Plàtz, wu sìch d’ Schtàzioon République bfìndet.

Zwìscha-n-Uff’m Grààwa un em Gàntzeplàtzla ìsch d’ Wìldamànnsgass a Füassgangerzoona.

Gschìcht ändere

Vor’m 15. Johrhundert hàt d’ Schtrooss Spitalgasse ghaissa; da Nàmma kummt vum Oschpìss, wo sìch àn dr Kritzung vu dr Schmìedgass bfìndet hàt, un wu schpeeter s’ Gschaft Monoprix gsìì-n-ìsch, vor äbb’s ìns Iikàuifszäntrum Porte Jeune gwàndelt hàt.

Dr Nàmma „Wildemanngass“ ìsch offiziäll uff Frànzeesch ums Joohr 1800 ärwäähnt worra. Sallamols hàt numma dr Schtroossatail zwìscha-n-em Gàntzeplàtzla un d’ Freschawaid da Nàmma trajt. Dr Nàmma kummt vum Gàschthüss „Àm Wìlda Mànn“ (uff Frànzeesch hôtellerie du Sauvage), wo vu 1625 bis 1870 ìn dara Viartel gsìì-n-ìsch. Ar schtàmmt urschprìnglig vu dr àlta Leganda vum Wìlda Mànn.[5]

Wahrem Zwaita Waltkriag, wu s’ Elsàss àns Drìtta Raich ààgschlossa worra-n-ìsch, hàt ma-n-àlla Schtroossa ìns Hochditscha müassa umtäifa, un nìmm ìm Frànzeescha. D’ Nàzis han durchgangig d’ Zäntràlschtrossaa vu da Schtädt noh-n-em Adolf Hitler bnännt.[6] So hatta sa d’ Mìlhüüser Wìldamànnsgass Adolf-Hitler-Straße wälla nänna, àwwer d’ Mìlhüüser hatta sìch ìwwer dia Umbnännung luschtig gmàcht. Noch hìtt ìsch ma nìt sìcher, ob d’ Nàzis wìrklig d’ Schtrooss umtäift han odd’r nìt —s’ ìsch wohrschinsig a popüläära Leganda.[7] Schtattdässa ìsch dr Roothüssplàtz dr Adolf-Hitler-Platz worra.[8]

Bii dr Bumbardiarung vu Mìlhüüsa àm 3. Àuigscht 1944 sìn mehrera Gebäi vu dr Wìldamànnsgass schweer bschadigt worra.[9] Noh zwai Tààga han d’ Pumpier dr Brànd gànz un gàr àbglääscht. Ìn ìhna han Pumpie vun àndra Schtädt ghulfa.[10]

Ìn da 1970. Joohra ìsch a Tail vu dr Wìldamànssgass a Füassgangerzoona worra. Àm 16. Nowamber 1985 ìsch a greesera Füassgangerzoona, zwìscha-n-Uff’m Grààwa un em Gàntzeplàtzla, iigwäijt worra.[11]

D’ Wìldamànnsgass ìsch aina vu da äärschta Schtroossa z’ Mìlhüüsa gsìì, wo-n-ìm Joohr 1991 a zwaischproochiga Schtroossaschìld bikumma han.[2][12]

wàs z’ sah ìsch ändere

Àm Äcka vun Uff’m Grààwa, grààd gega-n-ìwwer d’ Porte Jeune, ìsch a Metàllschtàtüüta vum Sundgàujer Kìnschtler Yves Carrey, wo-n-a ìwwermiader Schwaisser zaigt. Sa ärìnnert àn d’ berìahmta Mìlhüüser Schtàtüüta Schweissdissi.[13] Uff’m Gàntzeplàtzla, àm Zäntrum vu dr Wìldamànnsgass, ìsch a groosser ghàuijter Brunna, wo-n-a „Fiihrvoogel“ zaigt.[14]

Uff’m Booda vu dr Wìldamànnsgass kààt ma noch hìtt dr Schtàndort vum ehamààliga Wàsserkànàl Mìttelbàch sah.[15]

Vor Wiahnàchta pflànzt ma jeeds Joohr sitter 2012 a groossa Tànnabàuim uff d’ Wìldamànnsgass, bii dr Brunna vum Gàntzeplàtzla.[16] Züadam ziart ma d’ Baim vu dr Schtrooss mìt blàuia Lìchter.[17]

Wìrtschàft ändere

Àn dr Wìldamànnsgass sìn zàhlriicha Gschäft,[2] drunter Klaidungsgschäft.[18] Àm Ààfàng vum 20. Joohrhundert hàt ma-n-àn dr Wìldamànnsgass zwai groossa Gschäft gäffnet: Le Louvre un Le Globe,[19][20] wo-n-’s hìtt nìmm gìtt.

Àm Wìnkel vun Uff’m Grààwa ìsch dr ehamààliga Sìtz vu dr Mìlhüüser Filiàla vu dr Generàla Elsassischa Bànkgschällschàft (Sogenal).[21] Àn dr Wìldamànnsgass ìsch àui dr Sìtz vum Groupe Tertio, wo-n-unteràndrem d’ regionàla Radiosander Radio Dreyeckland un Cerise FM bwìrtschàftet.[22]

berìahmta Litt ändere

Ìm Schüahwààrahüss àm Wìldamànnsgass 25 ìsch dr frànzeescha Offiziar Alfred Dreyfus ìm Joohr 1859 uff d’ Walt kumma. Ar hàt doo ìn siina Kìnderjoohra gwoohnt.[23][24]

Dr jìddischa Schrìftschtäller, Mooler un Fotogràf Pierre-Pascal Furth hàt àls Kìnd àm Wìldamànnsgass 35 gwoohnt.[25]

a pààr Bìlder ändere

Lüag àui ändere

Lìteràtüür ändere

  • Rue du Sauvage. In: Conseil Consultatif du Patrimoine Mulhousien, Société d’Histoire et de Géographie de Mulhouse (Hrsg.): Les rues de Mulhouse : Histoire et Patrimoine. JdM Éditions, Mìlhüüsa 2009, ISBN 2-915836-67-1, S. 512–515 (französisch, Erstausgabe: 2007).

Weblinks ändere

  Commons: Rue du Sauvage (Mulhouse) – Sammlig vo Multimediadateie

Ainzelnohwiisa ändere

  1. En 1940, une rue du Sauvage renommée rue Adolf Hitler. In: Anecdote du jour. Archiviert vom Original am 24. April 2021; abgruefen am 26. September 2021 (französisch).
  2. 2,0 2,1 2,2 #12: L'histoire de la rue du Sauvage à Mulhouse. In: Wàs hesch ìm Schìld? Alsace 20, 5. Dezember 2020, abgruefen am 26. September 2021 (französisch).
  3. Achim Bourmer (Hrsg.): Baedeker Reiseführer Elsass, Vogesen. MairDuMont, 2013, ISBN 978-3-8297-1365-8, Rue du Sauvage, S. 222 (google.fr [abgerufen am 27. September 2021]).
  4. gmässt mìt’m Google Maps (àm 27. Septamber 2021).
  5. Marc Grodwohl: L’"Homme sauvage" dans tous ses états. Archiviert vom Original am 3. März 2021; abgruefen am 26. September 2021 (französisch).
  6. Pierre Deslais: L'Alsace, géographie curieuse et insolite. Éditions Ouest France, Rennes 2014, ISBN 978-2-7373-6364-1, S. 74.
  7. Roger Maudhuy: Contes et légendes d'Alsace. Place Stanislas, 2009, ISBN 978-2-35578-049-3, La rue du Sauvage, S. 162 u. ff. (französisch, google.fr [abgerufen am 27. September 2021]).
  8. Adolf et la rue du Sauvage. In: Zwaischprochiga Schtrossaschìlder ìn Mìlhüsa. 13. Juni 2006, archiviert vom Original am 24. Januar 2021; abgruefen am 26. September 2021 (französisch).
  9. Jacques Granier, Robert Heitz (Vorwort): Et Leclerc prit Strasbourg. FeniXX réédition numérique, 1987, ISBN 978-2-402-10127-1, 750 morts à Mulhouse (französisch, google.fr [abgerufen am 27. September 2021]): “Le 3 août, l'aviation lance une attaque concentrée sur le centre de la ville. La Banque de France flambe et les immeubles de la rue du Sauvage sont gravement touchés.”
  10. Eugène Riedweg: Mulhouse, ville occupée, 1939-1945 la vie quotidienne dans une ville alsacienne durant la Seconde Guerre mondiale. L'Orfraie, 1981, ISBN 978-2-86339-005-4, S. 97 (französisch, google.fr [abgerufen am 27. September 2021]).
  11. Paul Kobisch: Mulhouse : secteur piétonnier rue du Sauvage. France 3 Régions Schtroossburi/INA, 16. November 1985, abgruefen am 26. September 2021 (französisch).
  12. Sauvage (rue du) / Wildemannsgass. In: Zwaischprochiga Schtrossaschìlder ìn Mìlhüsa. 23. August 2016, archiviert vom Original am 30. Juni 2021; abgruefen am 26. September 2021 (französisch).
  13. Marie-Eve Doriath: Le Soudeur : vive l’art en plein centre-ville ! In: My Mulhouse. 19. Januar 2013, archiviert vom Original am 1. Januar 2018; abgruefen am 27. September 2021 (französisch).
  14. Victoires (place des) / Gàntzeplàtzle. In: Zwaisprochiga Strossaschìlder ìn Mìlhüsa. 23. August 2016, archiviert vom Original am 30. Juni 2021; abgruefen am 27. September 2021 (französisch).
  15. Les canaux rue du Sauvage. In: Visit Alsace. Archiviert vom Original am 5. März 2021; abgruefen am 26. September 2021 (französisch).
  16. Vincent Lemiesle: Mulhouse : le sapin de Noël est arrivé place de la Victoire. France 3 Régions, 5. November 2018, archiviert vom Original am 5. November 2018; abgruefen am 27. September 2021 (französisch).
  17. Noël 2020 dans les rues de Mulhouse. In: JDS. Archiviert vom Original am 11. April 2021; abgruefen am 27. September 2021 (französisch).
  18. Rue du Sauvage - Mulhouse. In: JDS. Abgruefen am 26. September 2021 (französisch).
  19. Jean Checinski: Regard sur le commerce au XXe siècle : Mulhouse et le bassin potassique. J. Do Bentzinger, 2002, ISBN 978-2-84629-052-4, S. 25 (französisch, google.fr [abgerufen am 27. September 2021]).
  20. Le Globe : le plus célèbre des centenaires mulhousiens. In: L’Écho mulhousien. Nr. 328, November 2010 (französisch, mulhouse.fr [PDF; 3,8 MB; abgerufen am 27. September 2021]).
  21. Banque dit Société Générale Alsacienne de Banque. In: Plateforme Ouverte du Patrimoine. Kültüürminìschterium vu Frànkriich, abgruefen am 27. September 2021 (französisch).
  22. Nos Radios. Groupe Tertio, archiviert vom Original am 2. März 2021; abgruefen am 27. September 2021 (französisch).
  23. Alfred Dreyfus. (pdf) In: Mémoire mulhousienne. Abgruefen am 28. September 2021 (französisch).
  24. Rue du Sauvage, maison Schuhwarenhaus. Museum fìr Kunscht un Gschìcht vum Juudatumm, abgruefen am 26. September 2021 (französisch).
  25. Édouard Boeglin, Jean-François Mattauer (Bebìld.): La tête haute : 20 années... jour après jour. FeniXX réédition numérique, 1983, ISBN 978-2-307-20510-4, Mulhouse, ma ville... (französisch, google.fr [abgerufen am 27. September 2021]).

Füassnoota ändere

  1. Dia Schriibàrt äntschprìcht bassr dr Üssschprooch vum Mìlhüüserischa, dr lokàla Vàrianta vum Elsässerditscha Dialäkt. ’S wìrd àui manckmol Weldamànnsgass odd’r Wéldamànnsgass gschrìewa.