Dr Will Grohmann (* 4. Dezämber 1887 z Bautze; † 6. Mai 1968 z Berlin) (Pseudonym: Olaf Rydberg) isch e dütsche Kunsthistoriker und Kunstkritiker gsi.

Will Grohmann

In Allem was d Kunst aagangen isch, isch dr Grohmann e grosse Neuerer gsi und er het sich au für die modärne Künstler intressiert und iigsetzt. 1924 het er mit em Band über d Zeichnige vom Ernst Ludwig Kirchner si Reihje vo Künstlermonografie aagfange. Wäge siiner Fortschrittligkeit isch er 1933 us alle Ämter entloo worde, drunder si Assistänz an dr Gmäldgalerii Dresde. Dr Grohmann isch e Fründ vo vile ufsträbende junge Künstler gsi, drunder dr Kirchner, Karl Schmidt-Rottluff, Otto Dix, Wassily Kandinsky, Oskar Schlemmer, Willi Baumeister und dr Fritz Hartung, aber bsundrigs nooch isch er em Paul Klee gsi, wo ähnligi Aasichte über d Kunst gha het wie är. Z Frankriich het er dr Expressionismus popularisiert. 1945 isch er Räkter vo dr Hochschuel für Wärkkunst z Dresde worde, isch aber 1947 wäge politische Differänze uf Westberlin züglet. Mä het en as Papst und Doyen vo dr dütsche Kunstkritik bezeichnet. Mit em gegeständlige Mooler Karl Hofer het er sich über d Bewärtig vo dr gegeständlige und dr abstrakte Kunst gstritte. Er het nume für die abstrakti Kunst e Zuekumft gseh.

Zu siine bekannte Monografie ghöre die über e Paul Klee, Willi Baumeister, Henry Moore,Heinz Trökes, Wassily Kandinsky und über e Ernst Ludwig Kirchner.

Literatur ändere

  • Rainer Zimmermann: Expressiver Realismus. Malerei der Verschollenen Generation. 2. Aufl. München 1994. ISBN 3-7774-6420-1

Weblingg ändere