Dr Winfried Bertsch (* 17. Oktoower 1937 in Lichteni im Landkreis Raschti z Bade-Wirttebärg (Ditschlond) isch en Autor, wu sich zum Ziil gsetzt hät, d'oberrhinalemannisch Mundart un Ortsgschicht vun Lichteni z pfläge un mit Bilderli z erhalte.

dr Winfried Bertsch 1960

Lawe ändere

Ufgwagse rund um d alt Schmidd, as Suhn vun dr Schmidd-Haase im Neudoerfl, isch er uf d Schuel in Lichteni un d Berufsschuel in Bihl gange. Speter hät er d' Uusbildung zum technische Zeichner in Heidelbärg gmacht. Er hät als erfolgricher selbständiger Versicherer gschafft und vill Litt in de Region kenneglernt. Dr Winfried Bertsch hät mit sinnre elsässische Frau Jeanne zwei Kinder un zwei Enkelkinder.

Engagement, Bruchtum un Mundart ändere

In dr Region isch dr Bertsch als S’Schmiddhaase Winfried bekannt wore dur sin Engagement fir s draditionäll Bruchtum un fir dr alemannisch Dialäkt, sinne Muettersproch. Er schafft ehreammtli in dr Kontakt-Gruppe Bürger-DOW, wu er uff d'umweltregionale Aspekte vum Chemiewerk von DOW Chemical im elsässische Drösem uf dr ändere Sitte vum Rhin guggt.[1] Bsunders aktiv isch er im Vereinslebe vun dr Stadt. Sitt 1957 hätt er Funktione im mit rund 800 Mitgliider greschte regionale Verein, em Turnverein 1864 Lichteni (do ghert awer äu Tennis, Tischtennis, Film & Foto etc. dezue). Vun 1976 bis 1994 isch er Vorstand gsin un hätt zum Beispiel dr Bau vum große Vereinsheim 1992 mitorganisiert. Sitt dem isch er Ehrevorstand un fiehrt sitt 1977 au dr groß regional Fasnetsumzug an, wu er ins Lawe grüefe hätt.

Schrifte ändere

  • Des geht uf ke Kuehhutt – Alemannische Mundart von s Schmiddhaase Winfried. Hrsg. von Matthias Bertsch. Eigenverlag, Lichtenau 2006.
  • Eine Reise ins alte Lichtenau. Ein historischer Bilderbogen mit alemannischen Geschichten. Mit zahlreichen Bildern von damals, früher und gestern aus allen Stadtteilen. Hrsg. von Matthias Bertsch. Eigenverlag, Lichtenau 2011.

Uszeichnunge ändere

  • Ehrenodel vum Turnverband (1986).[2]
  • Bürgermedaille der Stadt Lichtenau (2004)[3]

Weblink ändere

Fueßnote ändere

  1. Badisches Tagblatt, 13. Dezember 2006, „Den grenzüberschreitenden Dialog pflegen“
  2. Acher und Bühler Bote, 10. Januar 2004, „Das Engagement für die Allgemeinheit wurde mit Bürgermedaille belohnt.“
  3. Badisches Tagblatt, 1. Februar 1986, „Ehrennadel für Ehrenamt“