As Winterschloof oder Hibernation bezeichnet mä e schloofähnlige Zuestand, wo bestimmti endothermi oder homoiothermi Dier während dr chalte Johreszit dri verfalle. Die mäiste von ene si Süüger, es git aber au e baar Vögel wie z. B. die amerikanischi Winternachtschwalbe, wo das mache. E baar Arte vo Winterschlööfer wie Flädermüüs, Siibeschlööfer und Haselmüüs wurde stärbe, wenn mä se mit Gwalt am Schloofe wurd hindere. Dachs und Hamster chönne ohni d Winterschloofphase überläbe.

Dr europäisch Igel

Dr ächt Winterschlööfer verwandlet sich im Herbst sozusäge vom ene Warmblüeter in e Chaltblüeter, und si Körpertemperatur fallt öbbe bis uf d Umgäbigstemperatur ab. Währed dere Zit wärde s Schnuufe und dr Härzschlag langsamer. D Energi, wo s bruucht zum d Läbensfunktione vom Winterschlööfer während dr johreszitlige Schloofphase ufrächt z erhalte, chunnt us de Fettdepo, won er sich währed em Summer aagfrässe het.

Einzelni Süüger (wie d Flädermüüs) halte e underbrochnige Winterschloof, anderi (wie dr Siibeschlööfer, d Haselmuus, dr Igel oder s Murmeli) hai e Winterschloof wo lang duurt und numen e baarmol churz underbroche wird.

Im Gegesatz zu de Winterschlööfer git s anderi Dier, wie d Wiibärgschnägge, won e Summerschloof halte wäge dr Wermi und em Mangel an Wasser.

Mit dr zitlige Organisation vom Winterschloof beschäftigt sich d Chronobiologi.

Litratur ändere

  • Martin Eisentraut: Der Winterschlaf mit seinen ökologischen und physiologischen Begleiterscheinungen. Jena 1956.
  • Ralf Elvert: Kardiorespiratorische und metabolische Reaktionen während des Eintritts in den Winterschlaf beim Siebenschläfer Glis glis. Görich und Weiershäuser, Marburg 2001, ISBN 3-89703-480-8
  • Gerhard Körtner: Winterschlaf und seine Auswirkungen auf den Energiehaushalt beim Alpenmurmeltier (Marmota marmota). Diss. Marburg 1991.
  • Erwin Kulzer: Winterschlaf. Mit 7 Tabellen. Staatliches Museum für Naturkunde, Stuttgart 1981.
  • Paul Raths: Tiere im Winterschlaf. Leipzig ²1977, 1979.

Weblingg ändere

  Dä Artikel basiert uff ere fräie Übersetzig vu dere Version vum Artikel „Winterschlaf“ vu de dütsche Wikipedia. E Liste vu de Autore un Versione isch do z finde.