Wir sind Helden („Miär sind Heldä“) isch ä dütschi Rock-Pop Band us Berlin, wo vor allem dur d'fantasievollä und kritischä Text vo dr Judith Holofernes bekannt worde isch.

Wir sind Helden
Mark Tavassol, Jean-Michel Tourette, Pola Roy und Judith Holofernes (2005)
Mark Tavassol, Jean-Michel Tourette, Pola Roy und Judith Holofernes (2005)
Mark Tavassol, Jean-Michel Tourette, Pola Roy und Judith Holofernes (2005)
Allgmeini Informatione
Genre Pop-Rock, Dütschrock, Alternative Rock
Gründig 2000
Website www.wirsindhelden.com
Aktuelli Bsetzig
Judith Holofernes
Jean-Michel Tourette
Pola Roy
Mark Tavassol

Karrierä ändere

D Judith Holofernes isch scho vor dä Gründig vo Wir sind Helden i verschiedene, chliine Klubs vo Berlin uifträtä. Sie hed ai ä äigäni CD uifgnuh, wo Kamikazefliege heisst. Uf der Suächi nach Begleitmusiker hed sie z'Hamburg dä Schlagzüger Pola Roy und dä Keyboarder Jean-Michel Tourette kennä glernt. Dr Mark Tovassol isch später als Bassischt derzä cho und d'Band isch gründet gsi.

Diä erscht Produktion vo Wir sind Helden isch d'EP Guten Tag gsi, wo inerä sehr chliine Uiflag vo nur 3.000 Stück veröffentlicht worde isch. Zersch isch d'Band nur i Berlin bekannt gsi, doch mit ihrem Liäd Guten Tag hend sie's gschafft, ohni Label i diä dütsche Single-Charts zcho.

Äs Jahr später hend sie ihräs erschtä Album veröffentlich: Die Reklamation isch ä grossä Erfolg wordä und heds bis uf Platz 2 dr dütsche Charts gschafft. Im Jahr 2005 isch ihres zweite Album Von hier an blind usecho und isch sofort uf Platz 1 ider dütsche und öschterichischä Charts gschtigä. Ihres nächschte und dritte Album isch für 2007 aakündigt.

Bedütig ändere

D Text voder Judith Holofernes gältid als sehr fantasievoll, charmant und speziell. Vili findit, dass d'Liädtexterin sehr guät mit der dütsche Sprach und ihrä Redewändige schpilä cha. Da ihri Text so speziell und voller verstecktä Bedütigä sind, isch es sehr schwirig, d'Liäder scho bim erschtä Ghöre z'verschtah. Luit Fans isch das aber grad s'schöne vo dä Liäder vo Wir sind Helden: Mä entdeckt ai nach mehrmaligem Ghöre immer wieder nüüi Sprachfiinhäite.

I ihrnä Liäder tuäd d'Judith Holofernes sehr vieles kritisch hinterfrage: zum Biispil dä Kommerz, unnützä Fliiss, unnötigi Reglä oder d'Methodä vo dä Musiginduschtrie.

Wir sind Helden gältid als Uislöser vonerä Bewegig, wo anderi dütschi Bands wiä Silbermond oder Juli hervorbracht hed. Im Jahr 2004 isch d'Band mit vier ECHOs uiszäichned wordä, unter anderem ider Kategori "Bescht Newcomer national". 2006 hend sie ä wiiterä ECHO ubercho, dasmal ider Kategorie "Bescht national Rock/Pop-Gruppä".

Diskografi ändere

Albe
  • 2003: Die Reklamation
  • 2005: Von hier an blind
  • 2007: Soundso
  • 2010: Bring mich nach Hause
Livealbe
  • 2010: Bring mich nach Hause Unplugged
Kompilatione
  • 2006: Wir sind Helden
  • 2008: Sa Itte Miyo
  • 2011: Tausend wirre Worte – Lieblingslieder 2002–2010
EP
  • 2002: Guten Tag. Wir sind Helden
  • 2007: iTunes Festival: London 2007
Single
  • 2003: Guten Tag / La Réclamation (französische Version)
  • 2003: Müssen nur wollen
  • 2003: Aurélie
  • 2004: Denkmal
  • 2005: Gekommen um zu bleiben
  • 2005: Nur ein Wort
  • 2005: Von hier an blind / Sâ itte miyô (japanischi Version)
  • 2006: Wenn es passiert
  • 2007: Endlich ein Grund zur Panik / Panique (französischi Version)
  • 2007: Soundso / T’es Comme Ça (französischi Version)
  • 2007: Kaputt / 我们是英雄 (chinesischi Version)
  • 2008: Die Konkurrenz
  • 2010: Alles
  • 2010: Bring mich nach Hause
  • 2011: 23:55: Alles auf Anfang
  • 2011: Die Ballade von Wolfgang und Brigitte

Literatur ändere

  • Wir sind Helden: Wir sind Helden. Informationen zu Touren und anderen Einzelteilen. Fischer Verlag, 2008, ISBN 3-596-17754-5.
  • Wir sind Helden: Muss das so? Liederbuch mit Texten und Noten (Klavier, Gitarre, Schlagzeug und Bass) Bosworth Edition, 2007, ISBN 978-3-86543-307-7.

Weblink ändere

  Commons: Wir sind Helden – Album mit Multimediadateie
  Dä Artikel basiert uff ere fräie Übersetzig vum Artikel „Wir_sind_Helden“ vu de dütsche Wikipedia. E Liste vu de Autore un Versione isch do z finde.