Dr Wolfgang Jäger (* 24. Aügschte 1940 z Niedereschach) isch e ditscher Professor fir Bolitikwisseschaft un vu 1995 bis 2008 Rektor vu dr Universität Friiburg gsi.

Läbe ändere

Dr Jäger Wolfgang het vu anne 1960 bis 1966 Politikwisseschaft, Gschicht un Latiin gstüdiärt, un zwar an dr Uni vu Friibirg im Briisagaü, Minche un an dr London School of Economics and Political Science. Anne 1966 het er s Staatsexame gmacht; im Johr druf isch er z Friiburg wisseschaftlige Assischtänt wore.

Anne 1969 het er promoviärt (Titel vu dr Dokterarbet: "Politische Partei und parlamentarische Opposition im Denken von Lord Bolingbroke und David Hume").

Anne 1973 het er habilitiärt (d Vorüssetzig, zum as Brofässer kenne schaffe) mit dr Arbet: "Öffentlichkeit, Parlamentarismus und Parteienstaat. Zur Kritik an einem deutschen Demokratieverständnis".

Siter 1974 isch er z Friiburg Profässer fir Wissenschaftligi Politik.

Zu dr nationale un internationale Ehrige, wun er bikumme het, ghert dr Ehredokter vu dr Uni Iasi (Rumäniä, 1999), dr franzesisch Orde "Chevalier dans l’ordre des Palmes Académiques" (2000), d Verdiänschtmedalliä vum Land Bade-Wirttebärg (2000) un dr Ehredokter vu dr Uni Montréal, Kanada (2004).

In dr akademische Sälbschtverwaltig an dr Friiburger Uni het er vu anne 1982-86 dr Vorsitz vun Große Senat gha, vu 1987 bis 1989 isch er Prorektor gsii un ab 1995 bis 2008 isch er Rektor vu dr Uni gsii.

Vereffentlichunge (Üswahl) ändere

  • Republik im Wandel (1969–1982). 2 Bände. 1986 und 1987 (zämme mit em K. D. Bracher un em Werner Link).
  • Fernsehen und Demokratie. Scheinplebiszitäre Tendenzen und Repräsentation in den USA, Großbritannien, Frankreich und Deutschland. München 1992.
  • Wer regiert die Deutschen? Innenansichten der Parteiendemokratie. Zürich 1994.
  • Die Überwindung der Teilung. Der innerdeutsche Prozess der Vereinigung 1989/90. Stuttgart 1998.
  • Regierungssystem der USA. Ein Lehr- und Handbuch. 3. überarb. & erweit. Auflage, München/Wien 2007 (zämme mit em Christoph M. Haas un em Wolfgang Welz).

Quelle ändere

Weblink ändere