Nadurschutzgebièt Zollhuusrièd
S Nadur- un Landschaftsschutzgebièt Zollhuusrièd lyt uff èm Gebièt vo dè Stadt Blummbärg bim Stadtdeil Zollhuus im Schwarzwald-Baar-Chrais z Baddè-Württèbärg. S NSG isch am 31. Oktober 1985 vum Regyrigsbräsidium Fryburg durch è Voorning uusgwisè worrè.
Nadur- un Landschaftsschutzgebièt „Zollhuusrièd“
IUCN-Kategori IV − Habitat-/Species Management Area | ||
 | ||
| Lag | Blummbärg im Schwarzwald-Baar-Chrais, Baddè-Württèbärg, Dütschland | |
| Flechi | 76,4 ha | |
| Kennig | 3151 | |
| WDPA-ID | 166427 | |
| Geographische Lage | 47° 51′ N, 8° 34′ O | |
| ||
| Iirichtigsdatum | 31. Oktober 1985 | |
| Verwaltig | Regyrigsbräsidium Fryburg | |
Laag ändere
S Gebièt vum NSG lyt nordöschtlich vo Zollhuus, ènèm Ortsdeil vu Blummbärg. Unwitt weschtlich volauft d B 27 un nördlich d Landesschtròß L 185. Südlich vum NSG lyt näbbèm Dörfle Zollhuus dè Baanhof Zollhuus-Blummbärg am Scheitelpungt vo dè Sauschwänzlebaan. Am nordlichè un nordöschtlichè Rand vum Gebièt flǜèßt d Aitrach vorby. Am nördlichè Rand lyt dè Sportflugblatz Blummbärg. Hǚdrologisch spannend isch d Laag vum NSG i dè unmittelbarè Nôchi vom südweschtlichè Zipfel vo dè Europäischè Hauptwasserscheidè Donau-Rhy, wo gnau im Damm nõch vo dè B 27 volaufè duèt.
Zämmesetzig ändere
Für s NSG isch diè südlichi Hälfti vum Zollhuusrièd uusgwisè worrè. D Grundform vum NSG isch è langzogenès Rächtegg. S Rächtegg lyt dè nõch in Richtung Blummbärg un Donaudal. Dè weschtliche Rand wörd durch d B 27 feschtglait, wo uff ènèm Damm quer übbers Rièd volauft. Diè öschtlichi Flankè lyt zwüschè dè Längi un èm Chräbsbachdal. D Längi vum NSG bedrait öppè 1300 m. Dè nördlichi Rand wörd durch diè jungi Aitrach un d Start-/Landebaan vum Blummbärger Sportflughaffè begränzt. A dè südlichè Flankè ligèd d Gleis vum Zollhuser Baanhof. S NSG isch vum Flughaffè bis zum Baanhof öppè 500 m breit. Zmitts durch s NSG gòt dè Längi nõch dè Gereutgrabbè; sell isch è Brünnele, wo s Zollhuusrièd entwässèrè duèt un bim Aalegè vum NSG widder uffgschtaut worrè isch. Näbbe m klassischè Rièd, wo us Rièdgras bschtòt, git s zwei Wyèr, wo rächts un links vum Gereutgrabbè ligèd. Im nordweschtlichè Zipfel vum NSG lyt dè Chlynè Wyèr, südlich i dè Mitti dè Großi Wyèr. Dè Chlynè Wyèr isch fascht quadratisch mit èrè Kantèlängi vo öppè 130 m un wörd i dè Mitti vo dè Wescht-Oscht-Achsè von èm schmalè Damm mit Wägli fascht vollschtändig deilt. Dè Große Wyèr isch wiè nè Drapez gformt, öppè 380 m lang un 150-80 m breit. Vo Südufer hèr gòt èn breitè, aber churzè Damm in Wyèr iè. Ußèrdèmm git s im Großè Wyèr èn früènèrè Damm, wo übberschpüèlt isch, un 30 m èwäg im nordöschtlichè Eggè vum Wyèr s Weer, wo dè Abfluß i dè Gereutgrabbè stüèrè duèt.
Bedütig ändere
S 76,4 ha große Nadurschutzgebièt un s 63,9 ha große Landschaftsschutzgebièt stön sit èm 31. Oktobèr 1985 unter Schutz. S handlèt sich um „Flach- un Übbergangsmoorberych, Streuwisè un Hochstuudèflur mit zaalrychè z. T. vom Zrugggang odder Uusschtèrbè bedrohtè Pflanzè- un Dyrartè.“[1]
Mediègallery ändere
-
Großè Wyer mit Bligg vum Südufer bis zum Stobärg im Hintergrund -
Chlynè Wyèr mit Wulchèschpygel -
E Rièdgrasflächi im NSG Zollhuusrièd
Luèg au ändere
Literadur ändere
- Regierungspräsidium Freiburg, Bezirksstelle für Naturschutz und Landschaftspflege Freiburg (Hrsg.): Naturschutzgebiete im Regierungsbezirk Freiburg. 2. Ufflaag. Thorbecke, Oschtfildèrè 2004, ISBN 3-7995-5174-3, S. 562–564.
Weblinggs ändere
Commons: Zollhausried – Sammlig vo Multimediadateie- Steckbrief vom Landschaftsschutzbiet im Schutzgebietsverzeichnis vo dr LUBW
- Steckbrief vom Naturschutzbiet im Schutzgebietsverzeichnis vo dr LUBW
- Chartè vum Schutzgebièt im Datè- un Kartèdiènscht vo dè LUBW
Einzelnõchwys ändere
- ↑ Steckbrief vom Naturschutzbiet im Schutzgebietsverzeichnis vo dr LUBW
|
Dä Artikel basiert uff ere fräie Übersetzig vum Artikel „Zollhausried“ vu de dütsche Wikipedia. E Liste vu de Autore un Versione isch do z finde. |