Hägglige
Hägglige (amtlech Hägglingen) isch e Gmeind im Bezirk Brämgarte im Kanton Aargau.
| Hägglige | |
|---|---|
 | |
| Basisdate | |
| Staat: | Schwiiz |
| Kanton: | Aargau (AG) |
| Bezirk: | Brämgarte |
| BFS-Nr.: | 4068 |
| Poschtleitzahl: | 5607 |
| Koordinate: | 661432 / 249020 |
| Höchi: | 473 m ü. M. |
| Flächi: | 7.73 km² |
| Iiwohner: | 2454 (31. Dezämber 2022)[1] |
| Website: | www.haegglingen.ch |
 Hägglige, vo Oschte här gsee | |
| Charte | |
 | |
Geografii ändere
S Dorf ligt am öschtliche Rand vom Bünztaal am Wagerain. Öppe en Kilometer östlech vom Dorfzäntrum isch d Wasserscheidi zwüschem Bünztaal und em Rüüsstaal. Öppe anderhalb Kilometer nördlich vom Dorf ligt der Wiiler Igelweid (508 Meter über Meer), im Taal zwüschem Maiegrüen un em Ringlisbärg (551 m ü. M.), und zwe Kilometer südöschtlech drvo dr Wiiler Rüti (510 m ü. M.).
D Nochbergmeinde vo Hägglige sind Mägewil un Wooleschwil im Norde, Tägerig im Nordoschte, Niderwil im Oschte, Woole im Süde, Dottike im Weschte un Otmisinge im Nordweschte.
Ufem Bärg Maiegrüen, em höchschte Punkt im Gmeindbann mit 589 m ü. M., wo au Hochwacht heisst, isch en Uussichtsdurm.
Im Lorewald liit en grosse Schteiblock, dr Loreschtei. Das isch e Gletscherfindling us Diorit. Dr Gletscher het en i dr Yschzyt us de Alpe dohi brocht. Im Wald am Südrand vom Gmeindbiet, ufem Rothübel, liit en andere grosse Findling, dr Wolfhüslistei, e Felsblock us Aaregranit.
Gschicht ändere
Am 26. April 1798 isch es uf der Höchi vo Ämmet bi Rüti zumene Gfächt zwüsche französische Druppe und de Eidgnosse, vor allem Zuger und Freiämter, cho. As Gfächt bi Hägglige erinneret es Dänkmol uf em Hügel, s Ämmetchrüüz.
Am Rand vom Waldstück Saalhau stoot sit em Joor 1947 es Dänkmol füre Brueder Chlaus.
Gebäu ändere
D Chile Sankt Michael vo Hägglinge isch eini vo de eltischte, wo me gchönnt im Freiamt. Si isch im Joor 1036 inere Urkunde erwäänt, wo se dr Graf Ulrich von Länzbig dermit em Choorheereschtift vo Möischter gschänkt het.
Bilder ändere
-
Rüti mit der Chappele -
s Wägchrüz und Dänkmol im Ämmet -
d Hochwacht ufem Maiegrüen mit em Ussichtsdurm -
d Uussicht vom Durm gäge Weschte, uf Länzbig
Weblingg ändere
Commons: Hägglige – Sammlig vo Multimediadateie- Website vo dr Gmeind Hägglige
- Anton Wohler: Hägglingen In: Historisches Lexikon vo dr Schwiiz.
Fuessnoote ändere
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
