Waage SG
| S SG im Lemma isch s offiziell Chürzel vom Kanton Sanggalle und wird bruucht, zum Verwächslige mit Yträäg vom Name Wagen vermyde, wo öppis anders meined. |
Waage isch en Vorort vo Jona und ghört sit de Fusion im Jahr 2007 zu Rapperschwil-Jona.
| Wagen | |
|---|---|
 | |
| Basisdatä | |
| Staat: | Schwiiz |
| Kanton: | St. Galle (SG) |
| Wahlchrais: | See-Gaschter |
| Gmeind | Rapperschwil-Jona |
| PLZ | 8646 |
| Koordinate: | 709632 / 232135 |
| Höchi: | 429 m ü. M. |
_-_Wagen_-_St._Wendelin_2012-09-26_13-53-50_ShiftN.jpg) Chile Sankt-Wendelin im Zentrum vo Waage | |
| Charte | |
| BEMERKUNG_KARTE= | |
Geografii ändere
De Ort isch ländlich und uf em Gebiet vo Jona. Waage isch am öschtliche Rand vom Gmaindsgebiet, zwüsched Eschebach und em Rapperschwil-Joner Ortsteil Erle glege. D Ortschaft isch zwüsched zwei Hügelzüg, em Curtibärg im Norde und ere langzogne, dicht bewaldete Erhöchig, wo Waage vo Bollinge und em Zürisee trennt. Zum Dorf Waage ghöred nonig so alti Sidlige am Berghang vom Curtibärg.
Natur ändere
S Dorf isch teilwis vo Wald umgeh. D Landschaft het vil Wise. Entwässeret wird s Gebiet dur de Wagnerbach, wo nordöstlich vom Chloschter Wurmsbach in Obersee flüsst.
Gschicht ändere
Scho im Johr 870 isch Waage s erscht Mal urkundlich erwähnt worde. D Gegend vo Jona isch scho vo de Kelte und Römer besidlet worde. Mer hät archäologischi Bewiis gfunde, under anderem de römisch Guetshof Salet.[1]
Infrastruktur ändere
Z Waage häts es Lädeli, es Reschtarant und e Primarschuel mit eme Chindergarte. Bis im Mai 2005 häts e Poscht gha, wo jetzt als Agentur im Dorflädeli betribe wird.[2] Es sind au e paar Buure- und Holzverarbeitigsbetriib döt beheimatet.
Öffentliche Verchehr ändere
Waage isch am öffentliche Verchehr agschlosse, obwohls kän Bahnhof hät. De LinthBus fahrt halbstündlich (i de Hauptverchehrszite viertelstündlich) über Jona uf Rapperschwil, wo mer a beid Ort Aschlüss ad S-Bahn Züri hät: z Jona ad S5 und S15, z Rapperschwil ad S7 und S40 (uf Einsidle). Z Rapperschwil häts au Schnellzüg uf San-Galle und Luzern.
Sehenswürdigkaite ändere
Kapälle St. Wendelin ändere
Z Waage sölls scho vor me as 1000 Johr es Gotteshuus gha ha. Im Johr 1951 hät d Kapällgnosseschaft beschlosse, di alt Kapälle, wo 1698 em hailige Wendelin gwait worden isch, dur en Neubau z ersetze. I de Folg vo de Liturgiireform vom 2. Vatikanische Konzil (1962-1965) isch d Kapälle inne renoviert und umgstaltet worde. D Kommunionbänk hät me usegnoo und d Chanzle dur en Ambo ersetzt. De neu Zelebrazionsaltor isch am Oschtermäntig 1980 iigsägnet worde. I de Kapälle St. Wendelin warded nüme jedes Wuchenändi Gottesdienst abghalte. S Gotteshuus wird dur di katholisch Chilägmäind Rappi-Jona underhalten und isch im Summer 1998 s letschte Mal restauriert worde.[3]
Weblink ändere
Commons: Waage – Sammlig vo MultimediadateieQuelle ändere
- ↑ Geschichte, Archäologische Funde (Memento vom 4. März 2016 im Internet Archive) uf rapperswil-jona.ch, d Website vo de Stadt Rappi-Jona
- ↑ Post eröffnet erste Agentur im Projekt Ymago Die Post; Mitteilig vom 21. April 2005 (abrüefbar öber archive.org)
- ↑ Kapelle Wagen – St. Wendelin (Memento vom 6. Jänner 2016 im Internet Archive) uf de Website vo de katholische Chilägmäind Rappi-Jona (krj.ch)
|
Dä Artikel basiert uff ere fräie Übersetzig vum Artikel „Wagen_SG“ vu de dütsche Wikipedia. E Liste vu de Autore un Versione isch do z finde. |