Ökosüsteem

Ökosüsteem (altgriech. οἶκος oikós ,Huus‘ und σύστημα sýstema ,s Zämmegstellte‘, ,s Verbundnige‘) isch e Fachbegriff vo de ökologische Wüsseschafte. En Ökosüsteem bestoot us ere Lääbensgmäinschaft vo Organisme vo meerere Arte (Biozönose) und us irer umbeläbte Umwält, wo as Lääbensruum oder Biotop bezäichnet wird.

E Koralleriff isch e seer diwärses marins Ökosüsteem

E veräifachte Stickstoffzüklus

Dr Begriff

Dr Begriff Ökosüsteem wird in de Naturwüsseschafte im ene Sinn brucht, wo vo Wärturdäil frei isch. In dr Politik und in dr Alldaagswält wird vilmol eso gschwätzt, wie wenn Ökosüsteem as sonigi sötte gschützt wärde. Wenn das bassiert, denn si nit Ökosüsteem im Allgemäine gmäint, sondern ganz bestimmti Ökosüsteem, wo mä as nützlig oder uf en anderi Art wärtvoll aaluegt. Ökosüsteem si willkürligi Konstrukt. Si häi käni wirklige, natürlige Gränze, weder ooberi no underi: e Glungge isch grad so guet en Ökosysteem wien e Meer. S grösste Ökosüsteem uf dr Ärde isch d Biosfääre, wo alli terrestrische und akwatische Ökosüsteem uf dr Ärde umfasst.

D Beziejige zwüsche de Organisme im ene Ökosüsteem

Zwüsche de Organisme im ene Ökosüsteem existiere vilfachi Wäggselbeziejige und Abhängigkäite. Do drzue ghööre zum Bischbil die trofische Beziejige vo verschiidene Arte vom Ökosüsteem, wie dr Stoffusdusch zwüsche Primärbroduzänte und terotrofen Gliider in dr Naarigschetti in dr Form vo sümbiotische Beziejige (Mykorrhiza), Parasitismus und Saprophilii.

Litratuur

• J. Maynard Smith: Models in Ecology. Cambridge University Press, Cambridge 1974, ISBN 0-521-20262-0.

Weblingg

• DFG Science TV: "Natur am Start" – Leben im Tagebau: Von der Mondlandschaft zum Ökosystem – Wideo-Serii über wie e Ökosüsteem entstoot

Dä Artikel basiert uff ere fräie Übersetzig vum Artikel „Ökosystem“ vu de dütsche Wikipedia. E Liste vu de Autore un Versione isch do z finde.