De Curtis Jackson (* 6. Juli 1975 z Queens, New York City, USA), besser bekannt als 50 Cent, isch en US-amerikanischer Gangsta-Rapper.

50 Cent z New York City (2006)

Werdegang ändere

De Curtis James Jackson III isch im Viertel Jamaica vum New Yorker Stadtteil Queens i ärmliche Verhältnisse ufgwachse. Sin Vater het er nie kenneglernt, sini Mueter isch i ihrem Huus ermordet worde. Unbekannti sind i ihres Huus igstige und hend es Gas ufdreiht, während sie gschlofe het, so dass sie am Gas erstickt isch. De Curtis isch erscht acht Johr alt gsi. Nach ihrem Tod het de Curtis bi sine Großeltere glebt. Da er scho durch sini Mueter Verbindige is Drogegschäft gha het, het er scho als 12-Jöhrige mit Droge dealt und het mehreri churzi Gfängnisstrofe verbüesst, die erscht groß Strof het er mit 18 Johr übercho.

Er isch entdeckt worde vum Jam Master Jay (Run DMC), wo hütt nümme läbt, und spöter vum Rapper Marshall Bruce Mathers III, viilne besser bekannt als Eminem. Mit Hilf vom Jam Master Jay het de Curtis einigi Tracks ufgnoh und isch vo Columbia Records under Vertrag gnoh worde. Für sin Platte-Vertrag het er knapp 5.000$ übercho, die het er sofort wider i Droge investiert. Vor sim erschte Videodrei isch er nün Mol agschoße worde und isch im Chrankehuus glandet. D'Täter sind nie gfasst worde. Drufhi het Columbia Records de Vertrag mit ihm kündiget. Sis Album "Power Of A Dollar", wo-n-er bi Columbia Records fertiggschtellt het, isch nie veröffentlicht worde. Aber de Curtis het nid ufgeh und het witerhin Demo- und Mixtapes gmacht. Eis devo het de Eminem z'höre übercho und het im Curtis en Vertrag bi Shady/Aftermath verschafft und ganzi 1.000.000$. Denn isch sis Debut-Album "Get Rich Or Die Tryin'" ufgnoh worde. Mit Hilf vo de Produzente-Legende Dr. Dre und andere Künstler sind Uffnahme wie "In Da Club" entstande.

De Name 50 Cent het de Curtis vo emene i de 80er Johr aktive Gangster mit em Name Kelvin Martin übernoh. De Kelvin Martin isch domols bekannt gsi für Raubüberfäll und Schüßereie. De Curtis het de Name gwählt, da er, noch eigene Wort, all da verkörperet, wa de Kelvin i de 80er gsi isch. Nach eigene Agabe isch de Curtis wäge Droge agschosse worde. S'Deale mit Droge het er ersch ufgeh, wo er erkennt het, dass ihm es Rap-Gschäft meh bringt.

Diskografi ändere

Studioalbe ändere

Johr Titel Chartplatzierige[1] Aamerkige
DE AT CH UK US
2003 Get Rich or Die Tryin’ 4
(42 Wu.)
16
(30 Wu.)
8
(57 Wu.)
2
(70 Wu.)
1
(90 Wu.)
Erschtveröffentlichung: 6. Februar 2003
Verchäuf weltwit: 15.000.000[2]
2005 The Massacre 1
(39 Wu.)
2
(32 Wu.)
2
(46 Wu.)
1
(36 Wu.)
1
(57 Wu.)
Erschtveröffentlichung: 3. März 2005
Verchäuf weltwit: 12.500.000[3]
2007 Curtis 2
(10 Wu.)
4
(10 Wu.)
1
(15 Wu.)
2
(10 Wu.)
2
(27 Wu.)
Erschtveröffentlichung: 11. September 2007
Verchäuf weltwit: 3.500.000
2009 Before I Self Destruct 36
(2 Wu.)
41
(4 Wu.)
13
(7 Wu.)
22
(6 Wu.)
5
(20 Wu.)
Erschtveröffentlichung: 16. November 2009
Verchäuf weltwit: 1.500.000
2014 Animal Ambition: An Untamed Desire to Win 35
(1 Wu.)
38
(1 Wu.)
9
(4 Wu.)
21
(2 Wu.)
4
(13 Wu.)
Erschtveröffentlichung: 30. Mai 2014

Filmografi (Uuswahl) ändere

  • 2005: Get Rich or Die Tryin’
  • 2006: Home of the Brave
  • 2008: Kurzer Prozess – Righteous Kill
  • 2009: Dead Man Running
  • 2009: Streets of Blood
  • 2010: Gun
  • 2010: Twelve
  • 2010: Caught in the Crossfire
  • 2010: Morning Glory
  • 2010: 13
  • 2011: Set Up – Freunde für´s Leben, Feinde für die Ewigkeit
  • 2011: All Things Fall Apart
  • 2012: Freelancers
  • 2012: Fire with Fire – Rache folgt eigenen Regeln
  • 2013: Escape Plan
  • 2013: The Frozen Ground
  • 2014: The Prince
  • sit 2014: Power (Fernsehserie)

Schrifte ändere

  • 50 Cent und Kris Ex: Dealer, Rapper, Millionär. Hannibal-Verlag, 2005, ISBN 3-85445-266-7.
  • 50 Cent und Laura Moser: Playground, Roman; übersetzt von Rainer Schmidt. Rowohlt, Berlin 2012, ISBN 978-3-86252-032-9.

Weblink ändere

  Commons: 50 Cent – Sammlig vo Multimediadateie

Fuessnote ändere

  1. Quelle: DE & CH AT US solo US Gast UK
  2. http://www.dailymail.co.uk/tvshowbiz/article-1326726/50-Cent-poses-half-million-dollars-cold-hard-cash.html
  3. https://web.archive.org/web/20060203155900/http://www.allhiphop.com/hiphopnews/?ID=5215