Mit 55 PB bezeichnet mr da erschda beweglicha Schbiilzeigbära vo dr Firma Steiff.

D Nôchbildong vom „55 PB“ em Steiff-Museom z Giinga an dr Brenz
Dialäkt: Schwäbisch

Gschicht ändere

Dr Richard Steiff (1877 bis 1939), oiner vo de Neffa vo dr Firmagrindere Margarete Steiff, hôt des Kenderschbiilzeig nôch-em Vorbild vo-ma Braunbära entworfa, wo-nr dômôls em privada Zoo „Tiirgarda Nill“ en Stuegert gseha hôt. Wia-mr vo dr Tipabezoichnong her seha kô, ischt seller Bär 55 cm grauß gwäa ond us-em Gewebematrial Plisch gmacht.[1] Seine Ärm ond Fiaß send mit Bendfäde uffghängt, sodass des Stoffdiirle zemlich beweglich gwäa ischt.

Em Jôhr 1903 hôt z Leipzig a graußa Schbiilwara-Messe staddgfonda. Deet hôt dr Richard Steiff au sein Plisch-Bära präsendiirt. De deitsche Eikaifer uff dera Mess hend dean Bära abr kaum beachdet. A amerikanischer Hendler abr ischt voll begeischtret gwäa, wia-nr dean Bära gseha hôt. Drom hôt’r glei älle Ausstellongs-Exemplar uffkauft on noh weidere 3.000 Stick drvoo bschdellt. Drei Jôhr schbätr hôt des Schbiilzeig da Nama „Teddy-Bär“ odr kurz „Teddy“ kriagt, benannt nôch-em amerikanischa Präsidenda Theodore „Teddy“ Roosevelt.

Quella ändere

Fuaßnoda ändere

  1. Dui Zahl „55“ stôht fir d Greeße, dr Buachstab „P“ fir Plisch ond dr Buachstab „B“ fir beweglich.