D Agnodike oder Agnodice, au Hagnodike (griechisch Ἀγνοδίκη; villicht 3. Johrhundert v. Chr.) giltet as di eerscht Dokteri vu dr griechische Antike, wu as Geburtshälferi soll gschafft haa.

Mer chännt si nume us eme Bricht bim Hyginus Mythographus (‚Fabulae‘ 276, 10–13). Doderno isch si Atheneri gsii un het ihri Fähigkait zeerscht nume ghaim oder in Mannechlaider chenne lehre un bruuche. Ihri Paziäntine hebe si aber eerscht akzeptiert, wu si ne gsait het, ass si ne Frau isch. Wahrschyns isch si vu Nyyder verlyymdet wore, ihre isch dr Brozäss gmacht wore, wel s dodmol Fraue un Sklave verbote gsii isch, as Dokter z schaffe. No dr Verzellig isch si dur d Intervänzion vu ihrezum Dal hochgstellte Paziäntine grettet wore. No däre Verhandlig sei s Verbotsgsetz ufghebt wore.[1]

As Lehrer vu dr Agnodike nännt dr Hyginus e gwiise Hierophilos oder Herophilos. Des chennt dr alexandrinisch Dokter Herophilos vu Chalkedon (um 290 v. Chr) gsii syy, dodermit hätt d Agnodike im 3. Johrhundert v. Chr. gläbt.

LiteraturBearbeite

  • William Smith: Dictionary of Greek and Roman biography and mythology. Band 1, S. 74, Tauris Books, London 2008, ISBN 978-1-8451-1000-0 (Nachdruck der Ausgabe London 1890/91; online).
  • Max Wellmann: Agnodike. In: Paulys Realencyclopädie der classischen Altertumswissenschaft (RE). Band I,1, Stuttgart 1893, Sp. 831–832.
  • Nancy L. Swanson: Avenging Agnodice. The Struggles and Successes of Female Scientists, Antiquity to Present. ImprintBooks, North Charleston, N.C. 2004, ISBN 978-1-4196-0204-7.
  • Ferdinand Peter Moog: Agnodike. In: Werner E. Gerabek, Bernhard D. Haage, Gundolf Keil, Wolfgang Wegner (Hrsg.): Enzyklopädie Medizingeschichte. De Gruyter, Berlin/ New York 2005, ISBN 3-11-015714-4, S. 17.

FueßnoteBearbeite

  1. Marilyn Bailey Ogilvie: Women in Science: Antiquity through the Nineteenth Century. A Biographical Dictionary with Annotated Bibliography. 4. Uflag, Cambridge, Mass., London (The MIT Press) 1993, S. 28.
  Dä Artikel basiert uff ere fräie Übersetzig vu dere Version vum Artikel „Agnodike“ vu de dütsche Wikipedia. E Liste vu de Autore un Versione isch do z finde.