Albanischer Lek
| Lek | |
|---|---|
| Land/Länder |  Albanie
|
| Underdeilig | Keni |
| Abchürzig | ALL |
| Abchürzig (ISO-4217) | ALL |
| Wechselkurs (7. Oktober 2019) |
1 EUR = 122,61 ALL 100 ALL = 0,82 EUR 1 CHF =112,33 ALL 100 ALL = 0,89 CHF |
| Chleinsti Münze | 1 Lek |
| Gröschte Schyn | 5000 Lek |
Dr Lek (albanisch: Leku Shqiptar) isch s Gält vo Albaanie.
Ei Lek gältet hundert Qindarke.
Gschicht ändere
Wo z Albaanie ane 1925 d Zentraalbank Banka e Shqipërisë ggründet worden isch, het die sofort agfange Gältstuck und Banknoote vom Lek usegää. Dr Name chunt vom Alexander em Groosse. S Wort qindarkë chunt vom albanische “hundert”.
D Banknoote vo 1926 händ Ufschrifte uff Albaanisch und uf Iteliänisch gha. 1943 sind au grösseri Schegg trukt worde. Bi der Gältreform ane 1964 isch dr nöi Lek ygfüert worde, wo zäh mol meh wärt gsi isch als dr alt Lek.
1995–1996 het me nöji Gältstuck prägt.
Syt em Jahr 2009 git's d 100 Lek Note nümme. Me het de dür ne Müntze ersetzt.
Sümbool ändere
D Bildmotiyv uf em albaanische Gält het me mit dr Zyt immer wider uusgwächslet.
D Banknoote für 100 Lek zeigt dr Schriftsteller und Politiker Fan S. Noli und s albaanische Parlamänt. D Noote für 200 Lek zeigt s Porträä vom albaanische Schriftsteller Naim Frashëri und s Huus, woner uf d Wält cho isch. D 500er-Noote zeigt dr Politiker Ismail Qemali. Uf dr Tuusigernoote isch dr früech albaanisch Schriftsteller Pjeter Bogdani und uf dr Rücksyte d Chile vo Vau. Uf dr Föiftuusigernoote sind dr albaanisch Nazionalheld Skanderbeg und d Burg vo Kruja.
S Gältstuck für ei Lek het s Bild vom Pelikan. S Gältstuck für föif Lek dr albanisch Adler. S 10-Lek-Stuck zeigt d Burg vo Berat. Ufem 20 Lek-Gältstuck isch e Liburne. Uf em 50er isch dr letscht König vo de Illürier, dr Gentius. Und uf em Hunderter di antiki Königin Teuta.
Weblink ändere
Commons: Albanischs Gält – Sammlig vo Multimediadateie