Alemannischi Bihni Fryybeg

Di Alemannisch Bihni Fryybeg isch e Dialäkttheater z Fryybeg, wu sich syt vyl Johrzehnt im Kulturläbe vu dr Stadt un dr Gegnig e Namme gmacht het. Im Merz 1924 isch des Theater in der Salzstroß im ehmolige Gaschthuus „Zum Hechinger“ unter em Namme Elsässische Theater im Breisgau vu Elsaß-Lothringer grindet wore, wu z Fryybeg gläbt hän. Bis 1941 isch in däm Dialäkttheater vu Laieschauspiler gspilt wore, derno sin d Vorstellige yygstellt wore.

Dr Yygang zue dr Alemannische Bihni Fryybeg

Anne 1950 het dr Desiré Lutz, wu scho vor eme Chrieg derbyy gsi isch, des Theater unter em Namme „Alemannische Heimatbühne Freiburg i. Br.“ in dr „Harmonie“ in dr Grienwälderstroß nej grindet, zerscht as reins Tourneetheater, wu in ganz Sidbade gaschtiert het. Syt 1962 drait s dr hitig Name „Alemannische Bühne Freiburg e. V.“.

Anne 1978 isch di Alemannisch Bihni in dr Theatersaal im ehmolige Böu vu dr Feierling-Bröuerej in der Gerberau yyzoge, wu si syterhär ihre feschte Sitz het, si git aber allmol au no Gaschtspil usserhalb vu dr Stadt. Vu 1998 bis 2000 isch dr Feierling-Böu saniert wore, um des Zyt het di Alemannisch Bihni fir zwei Johr in dr May-Bellinghausen-Halle gaschtiert.

Näben eme eigene Programm, zwei bis drej Dialäktstuck un ei Jugedstuck pro Monat in dr Zyt vu Oktober bis Juni, wird dr Theatersaal in dr spilfreje Zytte fir musikalischi, kabarettistischi un Theater Gastspil vu befryndete Bihne us em Drejländereck unter em Begriff „Gäste im Theatersaal“ gnutzt.

Im Johr 2008 hän 12.689 Zueschauer di 98 Vorstellige vu dr Alemannische Bihni aagluegt.

Anne 2009 het di Alemannisch Bihni ihre 85-jehrig Jubileum gfyyrt, anne 2024 ire 100-jehrig Jubileum.

Verein „Alemannische Bühne Freiburg e. V.“ (Stand Novämber 2024)

• 1. Vorsitzer: Ulrich von Kirchbach
• Gschäftsfiereri: Sandra Jettkandt

Weblink

• Offiziälli Websyte