Alexander Gregg

Dr Alexander Gregg (* 8. Oktoower 1819 z’ Society Hill, Süüdkàrolina; † 11. Jüüli 1893 z’ Austin, Texàs) ìsch a Gaischtliger vu dr Epischkopààlkìrìch vu da Verainigta Schtààta gsìì. Vu 1859 bis züa siim Tood ìsch’r dr äärschta Bischoof vum Texàs gsìì.

Dialäkt: Mìlhüüserdiitsch

sii Laawa

Dr Alexander Gregg ìsch ànna 1819 ìm Nàmmensort „The Old Cheraws“ z’ Society Hill ìm Bundesschtààt Süüdkàrolina uff d’ Walt kumma. Ar ìsch dr Suhn gsìì vum David Gregg un vu dr Athalinda Brocky. Ar hàt a àkàdemischa-n-Üüssbìldung z’ Winnsboro bikumma un ìsch drnooh ìn d’ Süüdkàrolina-Hoochschüal gànga, wu-n-’r ìm Dezamber 1838 a BA-Àbschluss bschtànda hàt. Ar ìsch àm 6. Dezamber 1841 z’ Cheraw àls Rachtsànwàlt züagloo worra un hàt därt zwai Joohra làng àls Ànwàlt gschàfft. Ànna 1943 ìsch’r ìn dr Epischkopààlkìrìch vum hl. David z’ Cheraw taift un konfirmiart worra.

Drnooh hàt dr Gregg d’ Wäihsàkràmant wälla-n-ämpfànga. Àm 10. Jüüni 1846 ìsch’r àls Diàkon gwäijt worra. D’ Priaschterwaih hàt ìhm dr Bischoof vu Süüdkàrolina Christopher Edwards Gasdsen àm 19. Dezamber 1847 ìn dr Philippuskìrìch z’ Charleston gschpanda. Drnooh ìsch dr Gregg Pfàrrer vu dr Davidskìrìch z’ Cheraw worra. Àn dara Schtälla-n-ìsch’r blìewa, bis’r Bischoof worra-n-ìsch.

Àm 5. Mai 1859 ìsch dr Gregg àls äärschter Bischoof vum Texàs gwählt worra. D’ Bischoofswäih hàt’r àm 13. Oktoower 1859 vum Presidiarenda Bischoof John Henry Hopkins ämpfànga. Schuu-n-ìn dara Zitt ìsch dr Bìschtumm uff’m gànza Gebiat vum Bundesschtààt Texàs gsìì. Ìn siina äärschta Joohra-n-àls Bischoof sìnn dr Sezessionskriag un dr Wìederuffbàui vum Texàs gsìì. Ìm Làuif vu dr Zitt sìnn ìmmer mehr Siidler ìns Texàs kumma. Wahrend siinera Zitt àls Bischoof hàt maa-n-ìm Bìschtumm mehr àss 50 Kìrcha bàuia —àm Ààfàng sìnn numma fìmf Gotteshiiser gsìì. Ànna 1874 hàt dr Gregg d’ Grìndung vu zwai Missioonsdischtrikta (Wäscht-Texàs un Nord-Texàs) glaita. Naawadràà ìsch’r vum 1. Àuigscht 1887 bis züa siim Tood dr viarta Kànzler vu dr epischkopààla Üniwärsitäät vum Süüda z’ Sewanee ìm Tennessee gsìì. Ànna 1867 hàt’r a Büach ìwwer d’ Gschìcht vu siim Geburtsort veräffentligt.

Dr Gregg ìsch àm 10. Jüüli 1893 d’haim z’ Austin ìm Texàs gschtoorwa. Beardigt worra-n-ìsch’r ìm Frìedhoof vu dr Davidskìrìch z’ Cheraw. Dr Alexander Gregg hàt àm 21. Àwrìl 1841 d’ Charlotte Wilson Kolloc († 1880) ghiiroota ghàà. Mìt ìhra hàt’r zehn Kìnder ghàà.

Lìteràtüür

Gregg, Alexander, P.E. In: James Grant Wilson, John Fiske (Hrsg.): Appletons' Cyclopædia of American Biography. Band 2. D. Appleton, 1888, S. 758 (amerikanisches Englisch, google.co.uk [abgerufen am 31. Juli 2022]).
Gregg, Alexander. In: An Episcopal Dictionary of the Church. Epischkopààlkìrìch vu da Verainigta Schtààta (amerikanisches Englisch, episcopalchurch.org [abgerufen am 31. Juli 2022]).
W. J. Battle: Gregg, Alexander. In: The Handbook of Texas. Texas State Historical Association, 1952 (amerikanisches Englisch, tshaonline.org [abgerufen am 31. Juli 2022]).
Wilson Gregg: Alexander Gregg, First Bishop of Texas. Hrsg.: Arthur Howard Noll, LL.D. The University Press, The University of the South, Sewanee (Tennessee) 1912 (amerikanisches Englisch, anglicanhistory.org [abgerufen am 31. Juli 2022]).

Weblìnks

Commons: Alexander Gregg – Sammlig vo Multimediadateie

Alexander Gregg in dr Datebank vu Find a Grave