Dr Amiga isch an Hoim-Combudr von dr Firma Commodore, mo bsonders in de 80er Joar vrbroided gwäa isch. S erschte Modell isch dr Amiga 1000 gwäa, schpäter send aus dem dr Amiga 500 als billiger "Taschtaturcomputer" ond dr Amiga 2000 für professionelle Owender (mit em Bussystem für Schteckkarte) entwickelt wore.

Dr Amiga 1000

S häufigschte Modell isch dr Amiga 500 gwäa, grad en Deidschland hend an haufa Leid oin ghet. Au wenn ellaweil gsaid wora isch, das dr Amiga blos en Schbielcombudr gwäa sei, ischr wega seim Multitasking ond de vile Farba, mo r hod zoiga kenna, au ofd vom Fernsäh ond von Kindschdlr gnuzt wora. Oiner vo de Gründe dofir isch, daß der Grafiktschip a Bild ausgebe hot, des die gleiche Ufflösong ond Wiederholfrequenz wie's Fernsehbild ghett hot, so hot mr des gut kombiniere könne.

Des Betriebssystem vom Amiga hot Kickstart ghoisse, die grafische Benutzeroberfläche Workbench. Der Amiga war oiner von de erschte Rechner der haupsächlich für's Bediene mit der grafische Oberfläche vorgsehe war.

Seid Commodore 1994 bleide ganga isch, hods en haufa Vrsuch geba ghet, dr Amiga widr zom beläba, bis heid isch des abr koim so richdig glonga.

Weblink ändere

  Commons: Amiga – Sammlig vo Multimediadateie