Ammäister

e Magistratsperson im spoote Middelalter und dr früeje Nöizit im Häilige Römische Riich

Ammäister isch im spoote Middelalter dr Ditel vo e Magistratspersone in gwüsse Stedt vom Häilige Röömische Riich gsi. S Wort chunnt villicht vom germanische ambahtmeister (Amt + Mäister)[1] oder vo Ammannemäister.[2]

Dr Stroossburger Ammäister Karl Spielmann (1564-1631) und si Frau Anna Scheid (im Musée historique de Strasbourg)

Dr Ammäister het vor allem z Stroossburg e groossi Rolle gspiilt. E Zitlang het mä dä oberste säggs Rootpersoone eso gsäit.[2] Vom 13. bis ins 17. Joorhundert isch d Stadt vo drei Rööt, zwäi Stadtmäister und äim Ammäister, as Verdräter vo de Zümft, regiert worde.

Z Baasel het s vo 1385 bis 1390 und zwüsche 1410 und 1417 en Ammäister noch em Stroossburger Vorbild gee, wo as Representant vo de Zümft dr dritt Vorsitz vom Root gha het. S Amt isch iigfüert worde, wil d Zümft de Habsburger nid draut häi und e Verdräter häi welle, wo vo alle uswärtige Macht unabhängig weer. Er hätt au e Geegegwicht gegen d Vorherrschaft vo de groosse Baasler Gschlächter sölle si.[3]

Literatur ändere

  • Ammmeister, Schw. Id., Bd. 4, Sp. 514
  • Ammeister, DRW
  • François Igersheim (et al.): Ammeister, Ammannmeister, Amtmeister. In: Dictionnaire historique des institutions de l'Alsace du Moyen Âge à 1815, fascicule 1, Fédération des sociétés d'histoire et d'archéologie d'Alsace, Stroossburg 2010

Fuessnoote ändere

  1. Émile Littré: Dictionnaire de la langue française (1872-77), abgrüeft am 2 Dezämber 2014.
  2. 2,0 2,1 Johann Christoph Adelung: Grammatisch-kritisches Wörterbuch der Hochdeutschen Mundart,
  3. Josef Rosen: Finanzgeschichte Basels im späten Mittelalter: gesammelte Beiträge 1971-1987, Franz Steiner Verlag, 1989, S. 301 und 321