Anna, Hausfrau des Claus Schütterlin von Zell

D Anna, d Husfrau vum Claus Schütterlin z Zell, ischs s erscht Opfer vum ortenauische Hexereige im Juli 1557 gsii.

was me von ere verzellt ändere

In ihre Verher het si de verbote Umgong mit em Knecht Georg Zimmer und mit ihrem Schwoger Andreas gstonde. In d Zauberei isch si vun de Muetter ygfiert worre. Die het ihre e kleine Hafe mit Nachtschatte un Klettekrut gee un si uff de Acker gschickt go Hagel drus z siede. Zum Durichbruch isch d Hexeonlag aber erscht durich e firigi Wechselbeziehung vun de ehelig Liebi kumme. On eme Tag het sich ihr Monn nämli mit sinem Mischtfierer in d Wohnstub gsetzt un d Frau in de Räbe warte lue, statt de Dung in d Räbe z bringe. De Wii isch guet gsii un s Zeche so miehlos. Wu d Anna heim kumme isch, het si ihrem Monn bittri Vorwirf gmacht. De Monn het sich uffgregt un si schlage welle. Do het si e Firbrond us em Fir gholt un em Monn ins Gsicht gschlage, dass d Funke gfloge sin. Des het ne no wietiger gmacht. Us Ongscht vor de Strof isch si no Fessebach grennt, so dass de Monn nimm nochkumme isch. Wu si om Obe heim gih het miesse, het de Monn si uff em Wäg abpasst un si ibel gschlage un gschleift. Wu de Monn später ygschlofe isch, isch si zue dr Hintertire in de Garte nussgonge. Dert isch ihre e junger Gsell entgegetrette un het si gfrogt, was los sey. Do het si ihm alles verzellt. De Fremd het ihre Richtum un Schutz vor de Schläg vum Monn obotte, wenn si ihm z Wille isch un Gott un di Heilige verleygnet. Des het si beides gmacht. Jetzert isch ihre de Gedonke kumme, dass des e beser Geischt kinnt sii. ...

  Dä Artikel basiert uff 'ra Ybersetzung vum gmeinfreye („public domain“) Text usm Buech Hexen in der Landvogtei Ortenau und Reichsstadt Offenburg, 1882, vum Franz Volk.