Anneliese Graes

D Anneliese Graes (*5. Novämber 1930; † 1992 z Bottrop) isch e dütschi Kriminalhouptmeischtere gsi. Si isch dür ihri Vermittlerrolle bi der Geiselnahm vo der israelische Olympia Mannschaft z Münche 1972 bekannt worde.

Läbe

Chindheit u Juged

D Anneliese Graes isch die eltischti Tochter vom Polizist Erich Graes u synere Frou Elisabeth Katharina Hubertine Unbehau gsi. Ihri jüngeri Schwöschter het Helga Graes (*25. Novämber 1936) gheisse. Si erläbt d Nazizit i ihrer Chindheit u Jugend. Nach em Zwöite Wältchrieg da isch d Graes e Teenager gratet ihre Vater i amerikanischi Gfangeschaft. Si geit tu zur Polizei wi scho ihre Vater.

Olympia Hossdess

Im Jahr 1972 isch d Annesliese Graes z Esse als Polizeihouptmeischtere tätig. Für di Olympische Spiel z Münche wärde freiwiligi Ordner gsuecht u si mäldet sech. So wird si vo ihrer Dienststell nach Münche gschikt. Mit ihre sy bi der Olympiade 2000 Sicherheitschreft im Ysatz gsi. Di wybleche Ordner het me eifach als Olympia Hostess bezeichnet.

Rolle als Vermittlere bi der Geiselnahm

D Anneliese Graes isch am Morge vom 5. Septämer nid di erschti a der Connollystass 31. Churz nach em Überfall uf di Olympischi Mannschaft vo Israel, isch bereits, d Gertrud Lauterbach, als vermittlere zwüsche de Behörde u em Afüehrer Issa im Ysatz. Da si e mehrstündigi Nachtschicht hinder sech het gah, het si nach Absprach mit em Issa via Funk um Ablösig bätte.

D Anneliese Graes het ihre dienscht am 7:00Uhr agfange. Wi das üblech isch bim ne Schichtwächsel, het me d Tagschicht über das Informiert was i der Nacht so gangen isch. So het d Graes vom Vorfall a der Connollystrass 31 erfahere u ou das d Gertrud Lauterbach wetti abglöst wärde. Es isch uf grund vo de sperrine für d Graes nid so ganz eifach gsi zu ihrer Kollegin z cho. Es isch öppe 8:25Uhr gsi wo's ihre entlech glungen isch ihri Kollegi abzlöse.

Vo däm Momänt isch si der ganz Tag für d Vermittlige zwüsche de Behörte u em Afüehrer zueständig. Eine vo de erschte Sätz wo si zum Issa gseit het, gheisse: "Was soll der Scheiss!" Mit der Zyt glingts ihre sys Vertroue z gwinne.

We d Politiker oder anderi Lüt mit em Afüeherer hei welle rede, de si, si nid eifach zueche gloufe, sonder i der Nechi blibe stah u d Graes het ne gfragt öp er es Gspräch erloubt. Het dä d Erloubnis gä de het si de Politiker z verstah gä das se dörfe necher cho. Si erfüllt ou chlineri Ufdräg, we der Afüehrer mit öpper ganz bestimmtem het welle rede.

D Anneliese Graes füehrt d Verhandlige uf dütsch. Der arabische Sprach isch si nid mächtig. Verhandlige wo uf arabisch gfüehrt wärde, versteit si drum nid u cha dessedwäge, wichtigi Infos nid wyter gä. So handlet e Maa vo der Arabische Liga e verlengerig vom 12Uhr ultimatum us, das erfahrt d Polizei aber ersch öppe am 12:30Uhr. Das isch aber nid die einzige Panne wo der Polizei a däm Tag unterlouft. So het d Graes im Uftag vom Afüehrer für d Geisle Ässe verlangt. Ihre isch zuegsicheret worde das ds Ässe um 12:30Uhr söll da sy. Si het sech aber mehrfach müesse beschwäre bis der Manfred Schryber der Polizeipresidänt vo Münche u der Walther Tröger der Bürgermeischter vom Olympische Dorf, gäge 14:10Uhr ds Ässe bracht hei.

Gäge 18:30Uhr isch du der Hans-Dietrich Genscher ytroffe. Me het de Geiselnämmer abotte se zum Militärflugplatz nach Füschtefäldbrugg z flüge. Vo dert us würdi me se nach Kairo flüge. Bi däm Gspräch het der Afüehrer der Genscher ufgforderet ihn bi däm Flug z begleite. Dä het das uf grund vo syre Stellig müesse ablehne. Da het sech d Anneliese Graes abotte ihn z begleite. Aber das het du der Manfred Schryber abgelehnt.

Gäge 19:30Uhr het si sich afa zrügg zieh. Churz vor em Probelouf i der Garasch vom Huus gseht si der Afüehrer z letschte mal. Wo d Helikopter gäge Fürschtefäldbrugg ufbräche isch ihri Arbeit bim Huus als vermittlere abgschlosse.

Wyters Läbe u Dod

1974 chund d Anneliese Graes für ihre Ysatz bi der Geiselnahm ds Bundesverdeinschtchrütz am Bändel über. I de Medie isch eigentlech nur es paar Farbigi Fernsehbilder vo ihre blibe. Das het si sälber so welle. Wo d Medie ihre Gäld für d Exklusiv Rächt abotte het, het si glacht und abgleihnt.

Si isch im Alter vo 62 Jahr tu gstorbe. Vor ihrem Dod het si sech aber gwünscht das me se mit ihrem Bundesverdienschtchrütz söll beärdige.

Weblink

• Astrid Freyeisen: Protokoll eines Schreckenstags, Bayrische Rundfunk

• Christoph Lemmer: Geheimakte 1972, Episode 7, Anneliese Graes und der Überfall, Antenne Bayern, 2022
• Eva Deiners u Yvonne Maier: Die Olympia-Protokolle - Folge 2: Die Geiselnahme, Bayrische Rundfunk, 2022