Apollodor

Apollodoros (altgriechisch Ἀπολλόδωρος Apollódoros, latinisiert Apollodorus, dütsch au Apollodor) isch in dr Antike e hüfig bruchte griechische Naame gsi, wo «Gschänk vom Apollo» bedütet het.

Bekannti Lüt mit däm Naame

Politiker

E Politiker z Athen (394/393–noch 343 v. d. Z.), en Aahänger vom Demosthenes und noch 370 v. d. Z. äine vo de riichste Bürger vo Athen.
E Politiker us Delos († noch 286 v. d. Z.), Soon vom Apollonios. Er isch Proxenos (en Art Honoraarkonsul) vo Delos gsi und vor 286 v. d. Z. e ptolemäische Nesiarch vom Nesiotebund.
Dr Tyrann vo Cassandreia († 276 v. d. Z.) uf Chalkidike vo 279 bis 276 v. d. Z. Dr Antigonus II Gonatas het sim grausaame und korrupte Reschiim en Änd gmacht.
E Politiker und dr Epistrateeg vo dr egüptische Stadt Thebe under em Ptolemaios X. (vor 131 bis noch 124 v. d. Z.).

Schriftsteller und Filolooge

E Rhetor us Pergamon (* um 105 v. d. Z.; † um 23 v. d. Z.). Er het e bedütendi Rednerschuel gründet, wo under anderem dr Dichder Gaius Valgius Rufus gleert het.
E Tragiker vo Tarsos, wo d Diddel vo säggs Dragöödie von em überliiferet si.
E Historiker us Artemita in Mesopotaamie. Er het im spoote 2. oder im 1. Joorhundert v. d. Z. gläbt und e Gschicht vo de Parther gschriibe.
E Schriftsteller und Grammatiker us Athen (*öbbe 1800 v. d. Z., † noch 120/119 v. d. Z.), wo au z Alexandrie und z Pergamon gschafft het. Mä het emol dänkt, är sig dr Verfasser vo dr Bibliotheek vom Apollodor gsi, wo aber vil spööter verfasst worde isch.
E Komöödiedichter us Gela in Sizilie (342–290 v. d. Z.), wo siibe Komöödie gschriibe häig.
E Komöödiedichter us Karystos in Öiboa, wo zwüsche 300 und 260 v. d. Z. z Athen gschafft und 47 Komöödie verfasst het.
E Grammatiker us em lüübische Kyrene,wo vil vo andere hriechische Grammatiker zitiert worde isch.

Filosoofe

E Philosoph us Phaleron näbe Athen und Schüeler vom Sokrates (* um 434 v. d. Z.; † noch 399 v. d. Z.)
E Filosoof vom Atomismus us Kyzikos an dr Südküste vom Marmarameer.
E Filosoof us em mesopotaamische Seleukeia, en Aahänger vo dr Stoa und e Schüeler vom Diogenes vo Babylon. Er isch um 150 v. d. Z. däätig gsi.
Dr Epikureer Apollodor Kepotyrannos us Athen, wo im 2. Joorhundert v. d. Z. gschafft het. Er isch dr Läiter vo dr Schuel vo de Epikureer z Athen gsi und het e Biografii vom Epicurus verfasst.
E Stoiker und Schüeler vom Antipatros

Künstler, Kunsthandwärker und Techniker

E Bronssebildner us Athen
En Archidekt us Athen
E Mooler us Athen in dr 2. Helfti vom 5. Joorhundert v. d. Z.
En Archidekt us Damaskus (um 65–um 130), dr bedütendst Archidekt in dr röömische Kaiserzit
E Bildhauer im 5. Jh. v. d. Z., wo noch em Plinius em Eltere Statue vo Filosoofe gmacht häig.
E Bildhauer, wo zwüsche 150 und 80 v. d. Z. däätig gsi isch.
En attische Waasemooler wo gege s Ändi vom 6. oder im früeje 5. Joorhundert v. d. Z. z Athen däätig gsi isch

Anderi

E Diener vo dr Kleopatra VII., wo 48 v. d. Z. si Köönigin in dr Palast vo Alexandria zum Caesar gschmugglet häig
En Arzt und Ioloog (Giftforscher) zur Zit vom Ptolemaios I. (um 320 v. d. Z.), Alexandria

Dä Artikel basiert uff ere fräie Übersetzig vum Artikel „Apollodor“ vu de dütsche Wikipedia. E Liste vu de Autore un Versione isch do z finde.