Hauptmenü ufmache

Arbetsgmeinschaft um e Erwin vo Beckerath

Disambig.svg Dä Artikel behandlet d Arbetsgmeinschaft um e Erwin vo Beckerath, wo men em mänggisch au "Friiburger Kreis" sait. Für anderi Friiburger Kreis im Nationalsozialismus lueg do

D Arbetsgmeinschaft um e Erwin vo Beckerath isch e private Kreis vo liberale dütsche Ökonome gsi, wo 1943 und 1944 konspirativ Konzept für e Wirtschaftsornig für d Ziit noch em Zweite Wältchrieg entworfe hai. D Gedanke vo dere Gruppe hai noch em Chrieg d Konzeption vo der Soziale Marktwirtschaft beiiflusst.

D Tätigkeit vo der Arbetsgmeinschaft Volkswirtschaftslehr, wo zu der Klass IV vo der Akademii für dütschs Rächt ghört het und vom Jens Jessen gleitet worden isch, isch im März 1943 as „nicht kriegswichtig“ iigstellt worde. Druf het die Arbetsgmeinschaft inoffiziell witer gschafft, und dr Name vom bisherige Vorsitzende zur Bezeichnig gwehlt. D Arbetsgmeinschaft Erwin vo Beckerath isch vo ihre Mitgliidern au „Freiburger Kreis“ gnennt worde, wil d Sitzige in der Regel z Friiburg i. Br. stattgfunde hai. Spöter het me dr Kreis in der Gschichtsschriibig genauer as dr „Dritt Freiburger Kreis“ bezeichnet; er sött aber nit mit em sogenannte Friiburger Kreis vo der FDP verwächslet wärde.

S Ziil vo der Arbetsgmeinschaft isch s gsi, e Wirtschaftsornig für d Ziit noch em Zweite Wältchrieg z entwärfe. Die zahlriiche Dokumänt vo ihrer Tätigkeit si erst im Johr 1986 usege worde.

Abgseh vom Vorsitzende Erwin von Beckerath hai in däm Kreis drei Friiburger Nationalökonome, dr Constantin von Dietze, dr Walter Eucken und dr Adolf Lampe gschafft, und dr Franz Böhm und dr Erich Preiser us Jena, dr Gerhard Albrecht us Marburg und dr Theodor Wessels us Köln. Dr Lampe isch dr Schriftfüehrer und dr unermüedligi Organisator vom Kreis gsi. Won er und dr von Dietze noch em 20. Juli 1944 vo der Gestapo verhaftiet worde si, het d Tätigkeit vom Kreis ufghört.

In gwüsser Hinsicht isch d Arbet vom Kreis im Johr 1948 vom Wüsseschaftlige Biirot vo der Verwaltig für Wirtschaft vom Vereinigte Wirtschaftsgebiet, spöter s Bundeswirtschaftsministerium, wiitergfüehrt worde, au wil dr Erwin vo Beckerath au das Gremium gleitet het.

Information icon.svg Dä Artikel basiert uff ere fräie Übersetzig vum Artikel „Arbeitsgemeinschaft_Erwin_von_Beckerath“ vu de dütsche Wikipedia. E Liste vu de Autore un Versione isch do z finde.