Archäologische Fund

As Fund wird in dr Archäologii e beweglige Gegestand bezäichnet, wo bin ere Usgraabig entdeckt worde isch.

D Fünd wärde iidäilt in:

  • Artefakt: Gegeständ, wo vo Mensche gmacht worde si
  • Geofakt: Stäi, wo Naturchreft bearbäitet häi, ooni dass dr Mensch öbbis gmacht het
  • Biofakt: Überräst vo Lääbewääse, z. B. Dierchnoche, Polle usw.

Dr Fund muess vom Befund underschiide wärde; mit däm Begriff wird dr Fundkonteggst bezäichnet.