Arica

Arica isch e Stadt ganz im Norde vo Chile.

de Blick vom Morro obenabe öber d Stadt und de Hafe

Arika hät öpe 186'000 Iiwohner und liit knapp 20 Kilometer vo de Gränze zu Peru am Pazifik. D Hafestadt wörd öberragt vom 260 Meter höche Morro de Arica, eme felsige Hügel, won en Uusicht öber d Stadt und de Hafe büted. S Klima i de Region vo Arica isch trochen und warm. Dank de Wasserzuelaitig us den Ande gits aber gnueg Trinkwasser und es chönd sogär d Parkaalage demit bewässered wärde. Arbetsplätz häts z Arica wäg em Hafe, de Industrii und em Tourismus. D Touriste chömed underanderem wäg de aagnehme Wassertemperature.

Sport

Im 1962, wo z Chile e Wältmaischterschaft im Fuessball stattgfunde hät, isch underanderem s Eröffnigsspiil im Stadion vo Arica ustrait wore. S Stadion hät me Mitti April, aso churz vor de WM eröffne chöne.

Weblink

 Commons: Arica – Sammlig vo Multimediadateie