Böhmischer Traum
Böhmischer Traum isch ä Polka, wo dr dütsch Komponischt Norbert Gälle im Jahr 1997 gschribe het.[1][2] Ds erschte Mau igspilt het die Polka d Scherzachtaler Blasmusig; d Blasmusig wo dr Norbert Gälle bis hüt säuber derbi isch.[2] Sider isch ds Stück zumene international bekannte Titel worde, wo sogar z Nordamerika gspilt wird.[1][2]
Gschicht ändere
Dr Norbert Gälle het 1996 agfange, eigeti Musigstück z komponiere. I de früeche Jahr vo sim Schaffä isch ou Böhmischer Traum entstannde.[2] Es Wiili lang het di Polka gar ke Name gha, obschon si scho isch fertig komponiert gsi. Ufe Titel Böhmischer Traum isch dr Norbert Gälle schliesslich cho, nachdäm er ä unruigi Nacht mit komische Tröim het gha. Es guets Jahr nachdem d Polka isch veröffentlecht worde, het se dr Musigverleger Siegfried Rundel bim Radiolose ghört. Drufabe heter se grad wölle verlege. Nach churzem Zögere isch dr Norbert Gälle mit däm iverstande gsi.[1]
Böhmischer Traum isch gli mau vo vilne Musige zum ständige Repetoirstück erkore worde und isch ou usserhalb vom dütschsprachige Ruum berüehmt worde.[1][2] Hüt gits sogar Technoversione dervo.[1]