D Baasler Liederdaafele
| Dialäkt: Baseldütsch |
D Baasler Liederdaafele, offiziell Basler Liedertafel 1852, isch e Chor in dr Stadt Baasel, wo in verschiidene Manneformazioone ufdrättet und nöierdings mit em Ansambel Singvoll au e Frauesekzioon het.
D Formazioone ändere
- D Liederdaafele
- Dr Reveille-Chor
- Dr Veteraanechor
- Die jungi daafelerundi
- Singvoll
D Cäciliestifdig ändere
Am 24.10.1994 het d Liederdaafele d Cäciliestifdig gründet. Dr Zwäck vo dere Stifdig isch s under anderem, gmäinnützigi Organisazioone vor allem z Baasel und in dr Region bim Uffüüere vo musikaalische Wärk z understütze.[1]
Gschicht ändere
D Liederdaafele isch 1852 gründet worde, as Däil vo dr Liederdaafelebeweegig, wo mit dr Gründig vo dr Berliiner Liederdaafele dur e Karl Friedrich Zelter 1809 aagfange het. Aber im Underschiid zur Berliiner Liederdaafele het mä sich z Baasel eender uf d Gedanke vom Hans Georg Nägeli gstützt, wo vo dr akademische Pflääg vo dr Muusig mit iirem Äinzelgsang wäg het welle zum ene volksnööchere Chorgsang, aber gliichzitig au zum Uuseheebe vom Männerchor und sinere bsundrige Usdruggswiis.[2]
Ursprünglig isch d Liederdaafele e Konzärt-Männerchor gsi. 1898 isch dr chliineri Reveille-Chor für Chammeransambel-Repertuar ufdoo worde. Sit 1927 häi die alte Sänger im Chor vom Veteraanebund e Häim gfunde und 2014 isch die jungi daafelerundi in s Lääbe grüeft worde, wo weeniger dradizionell orientiert isch. 2022 het d Daafele s Frauenansambel Singvoll ufgnoo, und gmäinsaam mit em Konzärt afo uffüüere.[3]
Liddratuur ändere
- Bernhard Frey: Denkschrift zur Feier des 50-jährigen Bestandes der Basler Liedertafel 1852-1902: Geschichte/Chronik, Programme, Schweighauser'sche Buchdruckerei, 1902
- Richard Hallauer: Denkschrift zur Feier des 75jährigen Bestandes der Basler Liedertafel, 1852-1927, Schweiz. Verlags-Druckerei G. Böhm, 1927
- 100 Jahre Basler Liedertafel 1852-1952 (Jubiläumsschrift), Hans Boehm, 1952
- 125 Jahre Basler Liedertafel: Jubiläumsschrift zum 125jährigen Bestehen der Basler Liedertafel, uusegee vo Basler Liedertafel, 1977
- Jacques Schaub-Erny: 50 Jahre Reveille-Chor der Basler Liedertafel: 1898-1948 (Jubiläumsschrift), uusegee vo Basler Liedertafel, 1948
- Wilhelm Merian: Die öffentliche musikalische Tätigkeit der Basler Liedertafel
Fuessnoote ändere
- ↑ Cäcilienstiftung der Basler Liedertafel
- ↑ Liederhort: Auswahl vierstimmiger Gesänge für die Basler Liedertafel, uusegeee vo dr Basler Liedertafel, Bahnmaier's Buchdruckerei (C. Schultze), 1862
- ↑ D Website vo dr Lederdaafele