Benutzer:Carmentrigs/WSSR

{{Löschen|Sälbschtdarsteller ohni jedi Relevanz - sälbscht für unseri Relevanzkriterie --[[Benutzer:Umschattiger|Dr Umschattig]] <small>[[Benutzer Diskussion:Umschattiger|red mit mir]]</small> 13:48, 30. Mei 2007 (CEST)}}

Stimm züe, d'Schrybig isch aber rächt usgfeilt, des isch kei Aafänger wo des gschrybe het. Ganz lösche oder im Schopf abstelle? --Chlämens 16:24, 30. Mei 2007 (CEST)

red mit mir 13:48, 30. Mei 2007 (CEST)}}

Nid lösche, das isch es Proffesionels Team im Afangsstadium, mer sött Jungendlichi understützte wo i ihrer Freiziit Film dreiet, anderi hend als Freiziitbeschäftigung Droge nä. Ich find mer sött dere Gruppe nid na Extra Stei in Wäg rüere wen sich scho d'müe nemed en Artikel Zschribe --saesh 18:44, 30. Mai 2007

Au für dr Schopf zweni wichtig, i wott nid us Guetmüetigkeit e Präjudiz schaffe und denn hämmer x Artikel vo irrelevante Jugendgruppene. Aber i reschpeggtier au d'Arbet, wo i däm Artikel steggt. Do's en agmäldete Nutzer gschriibe hett, sott mes uff Benutzer:Carmentrigs oder Benutzer:Carmentrigs/WSSR verschiebe. Und wenn sich dr Autor au no susch nützlig betätigt, kame ihm jo au sis Gärtli loo --Dr Umschattig red mit mir 18:54, 30. Mei 2007 (CEST)

I stimm em Chlämens zue, d Sproch isch echt guet und authentisch. (Kani vo dene holprige Öbersetzige ;-). Em Umschattiger sin Vorschlag isch guet. Wenn denn die Jungs emol würkli birüemt sind, chönets denn de Text wider uf d Domäne Artikel verschiebe. --al-Qamar 10:05, 31. Mei 2007 (CEST)

verschobe in Benutzernamensruum bis Relevanz vo däre Clique nochgwiise --Dr Umschattig red mit mir 11:37, 12. Jun. 2007 (CEST)

WSSR (Winter Sucks Summer Rocks) isch e Clicke vo 6 Boys und Fründe us dä Schwiiz, wo us „Fun“ am Bike, Borde und Filme zäme gfunde händ.

S´Team:

Dä Michael „Michäl“ Walther fahrt Skateboard und isch zueständig für’s Filme und zäme mit em Sascha „Säsh“ Dällebach, wo Mounain Bike fahrt, für´s Zämeschniide vom Filmaterial am PC; dä Valentin „Väle“ Ender fahrt Mounain Bike und isch fascht de muetigschti bi Drops und Downhill; dä Pascal „Päsce“ Furrer isch der einzigi WSSR´ler wo BMX fahrt und er isch mit sine uusgrifte Tricks, woner sich bi 9 Jahr Wettkampferfahrig aageignet hät, e grossi Bericherig bi de Shootings; dä Christian „Vetti“ Vetterli fahrt Mountain Bike und isch de Schönwätter-Biker vo dä Truppe, und obwohl er no viil Stürz präsentiert, git er immer alles für de Film; dä Jan Wiezorek fahrt Skateboard und isch de Freestyle-Pinguin im Film; und dänn sind da no villi, viili Fründe, wo teils im Film mitwürked, oder WSSR uf anderi Art unterstützed...

Wie isch es zu däre Bezeichnig WSSR cho und warum isch us WSSR e Gmeinschaft worde?

Amene „HangOver“-Sunntig im Frühesummer 2005, da händ vier Fründe us Oberwinterthur und Winterthur Hegi (Kanton Züri) - dä Andreas „Andi“ Epprecht, dä Valentin „Väle“ Ender, dä Sven Wiezorek (Brüeder vom Jan) und dä Sascha „Säsh“ Dällebach - die spontani Idee für ä Bike Session gha. Zu dem Ziitpunkt isch d Fründschaft vo dene Jungs no im Aafangsstadium gsii und so hät de Jungfilmer Michael „Michäl“ Walther bschlosse, die vier als Filmer z begleite, dämit er sin Filmstil verbessere cha.

Dä Tag isch cool gsi ... doch de Film leider Schrott. Trotzdem händ´s ihri Freud am gmeinsame Shoote gha. Si händ sich s Verspräche gä, voneme bessere Film im druf folgende Jahr 2006. Dur de spontani Reim „Winter Sucks Summer Rocks“ (uusgsproche = winta sux summa rox) hät sich dä Michäl und dä Säsh die Ziit gno und es Konzept planet. Und mit dem Konzept isch dänn au dä Grundschtei vo „WSSR“ gleit gsi.

S Filme isch am Aafang jedoch meh nach spontane Shooting Session’s, und nid gross nach Plan, uusgfühert worde. Schlussändlich isch, nach’m schniidä voneme rächt zämmegwürflete Summerfilm, am 25. November 2006 die pompösi Premiere in Winterthur Hegi gsi.

Bereits isch dä neui Film in Arbet, dänn nachere erfolgriche Premiere und villne guete Feedbacks, coole Erfahrige und neue Idee, händ dä Filmer Michäl und sin Co-Producer Säsh en witere WSSR-Movie mit äm Titel „WSSR Zero Seven“ planet gha.

Aber au öpis anders isch allne vo WSSR bald klar worde, es muess e eigeni Homepage ane. Mit Hilf vom Säsh sinre Mueter, isch im Dezämber 2006 d Website wssr.ch [1] gebore worde und isch no vor de Wienacht online gange.