Hauptmenü ufmache

Bernie Sanders

en amerikanische Politiker
Dr Bernie Sanders (2007)
D Underschrift vom Sanders

Dr Bernard „Bernie“ Sanders (* 8. Septämber 1941 z Nöi York) isch en amerikanische Politiker us dr Demokratische Bardei. Sit em Joor 2007 isch er e Senator für e Bundesstaat Vermont. Am 29. April 2015 het er bekannt gee, ass er in de Vorwaale vo dr Demokratische Bardei für d Bresidäntewaal 2016 wurd kandidiere.

Dr Bernie Sanders, wo sich sälber as e „demokratische Sozialist“ bezäichnet,[1][2] het am 7. Novämber 2006 d Waal für e Senat gegen e Kandidat vo de Republikaner, dr Richard Tarrant, gwunne. Im Januar 2007 isch er dr Noochfolger vom Jim Jeffords im Senat worde, wo sich nit zur Widerwaal gstellt het. Dr Sanders isch dr ersti Politiker in dr Gschicht vo de USA, wo sich sälber as „Sozialist“ bezäichnet, und äinewääg in Senat gweelt worde isch.[3] Vo 1991 bis 2007 isch er s bardeiloose Mitgliid vom Representantehuus gsi, wo am lengste im Amt gsi isch. Lang het er aber zur Frakzioon vo dr Demokratische Bardei ghöört, bevor er dr Bardei am Aafang vom Novämber 2015 biidräte isch.[4]

LitratuurBearbeite

  • Pfahl-Traughber, Armin: «Ein demokratischer Sozialist in den USA. Das Phänomen Bernie Sanders», in: Neue Gesellschaft/Frankfurter Hefte, Nr. 11 vom Novämber 2015, S. 13-16.
  • Sanders, Bernie with Huck Gutman, Outsider in the White House, London - Nöi York 2015
  • Tasini, Jonathan: Bernie Sanders and his Vision for America, White River Junction, Vermont 2015 (Chelsea Green Publishing)

WeblinggBearbeite

  Commons: Bernie Sanders – Sammlig vo Multimediadateie

FuessnooteBearbeite